Read Ngaju MASMUR 48 Bible Online

MASMUR 48 - Ngaju bible

MASMUR 48

¹Masmur jalahan Korah.

²Paham hai Ikau TUHAN tuntang paham inara intu lewu hakota ain Hatallan itah, hong bukit ije barasih.[27]

³ ion, Bukit ain Hatalla, gantong hayak bahalap; lewu hakota raja Hai mampahanjak hapus petak.

⁴Hatalla melai hong kare istana Ayue, ampie Ie kabuat je jadi pangalindong Jete.

⁵Ite, kare raja hapumpong; ewen dumah handak manyerbu.

⁶Tapi mite bukit te ewen hengan; ewen geger tuntang hadari awi bingung.

⁷Intu hete ewen hagenjeh, awi kikeh tuntang kapehe, kilau oloh bawi je handak luas,

⁸kilau kare kapal hancor awi riwut barat.

⁹Kilau je ihining itah, toh itah mitee, intu lewu hakota ain TUHAN Je Jaton Tikas Kuasae. Lewu te iete Lewun Hatallan itah, Iee mambelae palus katatahie.

¹⁰Intu huang Human Ayum ikei mangumang sintan Aim, o Hatalla.

¹¹Aram basewut tuntang inara intu hapus petak, Ikau marentah dengan adil.

¹²Nauh rayat Sion tuntang Yuda basasurak hanjak, awi Ikau mahukum musoh ewen.

¹³Keleh mangaliling Sion, tuntang ise kare candie.

¹⁴Nantuani dindinge, riksa kotae, uka keton tau manyarita akan turonan keton;

¹⁵“Ie wei Hatalla, Hatallan itah sampai katatahie, Ie kareh mamimpin itah katatahie.”