Read Ngaju MASMUR 51 Bible Online

MASMUR 51 - Ngaju bible

MASMUR 51

¹Akan pamimpin koor. Masmur karangan Dawid

² limbah ie iningak awi Nabi Natan awi habandong dengan Batseba.

³Pasi aku o Hatalla, awi ikau tetep sinta, puas dosangku awi asim je hai.

⁴Enyau kare kapapangku; rasih aku bara dosangku.

⁵Awi ingakuku kare kasalangku, dosangku harajur ingenangku.

⁶ Intu Ikau, intu Ikau bewei aku badosa, tuntang ilalusku narai je itong Awim papa. Maka pantas Ikau mahukum aku, auh tukas Aim puna adil.

⁷Toto, aku papa bara katika inakan tuntang jari badosa bara kanain induku.

⁸Ikau balaku katoton atei; keleh ngontep atei-huangku dengan kapintar kaharati Aim.

⁹Parasih, aku maka aku kareh barasih; enyau aku, maka aku kareh labih baputi bara kapas.

¹⁰Nauhe aku mahining barita kahanjak, mangat atei je iramok Awim toh basurak tinai.

¹¹Ules Baum bara kare dosangku, tuntang puas kare kasalangku.

¹²Tampa atei je murni akangku, o Hatalla, keleh naheta atei-huangku dengan samangat je dehen.

¹³Ela ah manganan aku bara taharep Aim, tuntang ela manduan roh Ayum je barasih bara aku.

¹⁴Awi aku hanjak tinai tagal salamat bara Ikau, keleh tenga akangku atei je pahias uka manumon Auhm.

¹⁵Palus aku kareh majar parentah Aim akan oloh badosa, mangat ewen haluli Dengam.

¹⁶Keleh maliwus aku bara pampatei, o Hatalla panyalamatku,[29] palus dengan kahanjak aku kareh mambrita kaadil Ayum.

¹⁷O TUHAN, dohop aku hakotak, palus aku kareh tara-tara Akam.

¹⁸Ikau dia mangilak parapah je inyambalih; amon aku maluput parapah je ingehu, Ikau dia mangilake.

¹⁹Parapah akan Hatalla iete atei je rotek ramok, atei je manumon tuntang hobah dia Ikau manolake.

²⁰O Hatalla parahan kataun Aim dengan Sion, keleh mampendeng haluli kare dinding kota lewu Yerusalem.

²¹Palus Ikau kareh nahuang manarima parapah je buah, parapah je ingehu tuntang parapah je sukup sapi hatue kareh iluput intu hunjun mesbeh Aim.