Read Ngaju MASMUR 54 Bible Online

MASMUR 54 - Ngaju bible

MASMUR 54

¹Akan pamimpin koor. Tuntang impahayak awi kacapi. Nyanyi auh ajar ain Dawid,

² katika oloh Sipi dumah hamauh dengan Saul, “Dawid manyahokan arepe intu eka ikei.”

³O Hatalla, keleh manyalamat aku hapan kuasa Aim, tenga kaadil akangku hapan kaabas Aim.

⁴Keleh mahining palakungku, o TUHAN, keleh manyeneh kare auhku.

⁵Awi oloh luar dumah manyarang aku, oloh bajoho handak mampatei aku, ewen dia paduli dengan Hatalla.

⁶Tapi Hatalla te pandohopku, TUHAN te pambela ayungku.

⁷Ie kareh mahukum musohku dengan kapapan ewen kabuat, tuntang mabinasa ewen awi Ie baketep denganku.

⁸Dengan kahias atei aku maluput parapah Akam, tuntang manarimakasih akam awi Ikau bahalap, o TUHAN.

⁹Ikau jari maliwus aku bara kare kasusah, tuntang gitangku musohku impakalah.