Read Ngaju MASMUR 6 Bible Online

MASMUR 6 - Ngaju bible

MASMUR 6

¹Akan pamimpin koor. Dengan musik kacapi. Manumon lagu je kahanya. Masmur Dawid.

² TUHAN, ela ah manjera aku hong kasangit Aim ela mahukum aku hong kalait Aim.

³Pasi aku, o TUHAN, awi aku lepah kaabas, paabas aku awi aku lalau heka.

⁴Ateiku paham bingung; sampai hamprea Ikau malihi aku, o TUHAN?

⁵Haluli, o TUHAN, tuntang lapas aku, keleh nyalamat aku awi sintan Aim.

⁶Awi intu lewu pampatei Ikau dia iingat hindai; jaton je manara Ikau hong lewun oloh matei.

⁷Aku lalau heka awi mungoh; genep alem danum matangku mahantis mambisa ekaku batiroh.

⁸Matangku kawus awi pehe atei, tuntang harenep awi kare musohku.

⁹ Dari, o kare oloh papa, awi TUHAN jari mahining tangisku.

¹⁰TUHAN mahining palakungku tuntang manarima lakudoangku.

¹¹Uras musohku kareh tarewen tuntang mahamen tuntang bajeleng undur dahe-dahei.