Read Ngaju MASMUR 61 Bible Online

MASMUR 61 - Ngaju bible

MASMUR 61

¹Akan pamimpin koor. Impahayak hapan kacapai. Bara Dawid.

²Hining pantehauku, o Hatalla, seneh lakudoangku.

³Kejau bara huma aku mantehau Ikau, awi aku bageto kaharapku. Ikau kareh magah aku akan ekaku babuhau je mangat; eka je pahalau gantong akangku;

⁴awi Ikau je mangalindong aku, Eka batahan je dehen hapa malawan musohku.

⁵Nauhe aku hapus umurku omba kemah Aim, uka sanang hong kajungen palapas Aim.

⁶Awi Ikau jari mahining janjingku, o Hatalla, tuntang manenga akangku warisan akan oloh panumon.

⁷Keleh raja panjang umure, sampai ie belom girir-manggirir.

⁸Keleh ie marentah sampai katatahie kilau raja paintih Aim, o Hatalla, kalindong ie dengan sinta tuntang katetep Aim.

⁹Palus aku kareh harajur manyanyi tara akam, sambil manggenep janjingku genep andau.