Read Ngaju MASMUR 62 Bible Online

MASMUR 62 - Ngaju bible

MASMUR 62

¹Akan pamimpin koor. Manumon: Yedutun. Masmur Dawid.

²Dengan sanai hambaruangku mentai Hatalla, bara Ie wei kasalamatku.

³Baya Ie je mangalindong tuntang maliwus aku, Ie pambela ayungku, aku dia akan hongge.

⁴Sampai hamparea keton uras handak manyarang ije biti je jadi kilau dinding je santah tuntang dinding je bilak baderep?

⁵Keton baya nahuang mampalongkang ie bara kadudukae je gantong. Keton rajin mananjaro; hapan nyame keton mamberkat, tapi huang atei keton manyapa.

⁶Dengan sanai hambaruangku mentai Hatalla, bara Ie wei kasalamatku.

⁷Baya Ie wei je mangalindong manyalamat aku; Ie pambela ayungku tuntang aku dia kareh hongge.

⁸Ie Hatalla je manenga akangku salamat tuntang hormat, Ie pangalindong aingku tuntang pambela aingku je abas.

⁹O bangsa ayungku keleh harap dengan Hatalla genep katika; tusoh hapus atei keton akae, awi Ie eka kalindong itah.

¹⁰Olon baya kilau ije kangkewus tahaseng, hai korik sama dia barega. Amon inimbang, ewen puna mahian, labih mahian bara ije kangkewus tahaseng.

¹¹Ela maharap hasil rampokan, tuntang ela maandal ramo rampasan. Tinai amon panataum mandahang, ela ateim leket dengae.

¹²Pire-pire tingkat aku mahining Hatalla hamauh, je kuasa asale bara Ie,

¹³ tuntang je Ie tetep sinta. Ikau, o TUHAN, mamaleh genep biti manumon gawie.