Read Ngaju MASMUR 63 Bible Online

MASMUR 63 - Ngaju bible

MASMUR 63

¹ Masmur Dawid, katika ie aton intu gurun Yuda.

²O Hatalla, Ikau Hatallangku, aku manggau Ikau tuntang taharu Dengam. Kilau petak keang haus dengan danum, kalote aku haus Dengam.

³Nauhe aku nampayah Ikau intu Humam, tuntang mite kaabas tuntang Kahaim.

⁴Sintan Aim labih barega bara pambelom, awi te aku manara Aram.

⁵Hapus pambelomku aku manarimakasih Akam; inggatangku lengengku Akam sambil balakudoa.

⁶Inaraku Aram sambil basasurak hanjak, awi Ikau mambesoh hambaruangku kilau mahapan panginan je mangat.

⁷Katika menter intu eka batiroh, ingatku Ikau; hapus alem aku mangenang Ikau.

⁸Awi Ikau jari mandohop aku; huang kalindong palapas Aim aku manyanyi auh kahanjak.

⁹Imbingku Ikau dehe-dehen, lengen Aim mimbing aku.

¹⁰Tapi kare oloh je handak mampatei aku kareh mohon akan lewun oloh matei.

¹¹Ewen kareh matei huang patampuran, tuntang jadi panginan meto basiak.

¹²Raja kareh hanjak awi pandohop Hatalla; oloh je sumpah tagal Hatalla kareh tara-tara, tapi nyaman pananjaro kareh inyumbel.