Read Ngaju MASMUR 7 Bible Online

MASMUR 7 - Ngaju bible

MASMUR 7

¹Tatum Dawid, je inyanyi akan TUHAN awi Kus, oloh Benyamin te.

²O TUHAN, Hatallangku, aku bakalindong Dengam; keleh nyalamat tuntang lapas aku bara bangsa je manggoang aku.

³Ela manalua ewen kilau singa manangkarap tuntang mihir aku tuntang jaton pandohop akangku.

⁴TUHAN, Hatallangku, amon aku tulas, mamapa kawalku, atawa mamparugi musoh jaton bara buku [5] amon aku mawi kalote,

⁶nauhe aku inggoang tuntang inawan musoh palus impatei tuntang ilihi intu petak.

⁷Keleh harikas hong kalait Aim o TUHAN, keleh malawan, mamok kare musohku. Keleh harikas akan mandohop aku, awi Ikau balaku kaadilan.

⁸Keleh mamumpong kare bangsa hakaliling Ikau tuntang keleh jadi panguasa hunjun ewen bara padadusan Aim hong sorga.[6]

⁹Ikau mahakim ungkup oloh kalunen, keleh tenga akangku keadilan, o TUHAN, awi aku dia sala.

¹⁰ Paterai kapapan oloh darhaka tuntang padehen atei oloh bahalap awi Ikau Hatalla je adil je katawan atei tuntang tirok olon.

¹¹Kalindongku iete Hatalla je manyalamat oloh je bujur ateie.

¹²Hatalla te hakim je adil je genep katika mahukum oloh papa.

¹³Amon hadat ewen dia hobah, Ie tatap dengan sanjata je mampatei. Ie masa padang Ayue tuntang mangancang panah Aie, palus mambidik kare panahe je baapui.

¹⁵Item, oloh papa marencana kapapa; ie mawi rencana papa tuntang manipu.

¹⁶Ie mangali lowang akan oloh beken, tapi ie kabuat manjato akan luange.

¹⁷Jadi ie ihukum awi kapapae kabuat, tuntang inyiksa awi kapapan ayue kabuat.

¹⁸Aku manarimakasih akan TUHAN awi Ie adil, inyanyiku tara akan TUHAN Je Pangkahai.