Read Ngaju MASMUR 74 Bible Online

MASMUR 74 - Ngaju bible

MASMUR 74

¹Nyanyi auh ajar ain Asap. O Hatalla, en sampai katatahie Ikau malihi ikei? Mbuhen Ikau harajur balait dengan ungkup Ayum kabuat?

²Ingat ungkup Ayum je intih Awim bara bihin, bangsa je iliwus Awim uka jadi Ayum. Ingat dengan Bukit Sion, je inampa Awim eka melai Ayum.

³Keleh mananjong intu eka je jadi baduroh baderep; Uras taloh je intu Humam jari impahancor musoh.

⁴Kare musohm kariak-kariaka intu Humam, tuntang mampendeng kare bandera kamanang intu hete.

⁵Ewen kilau paneweng kayu je milai kapake akan maneweng kare batang kayu hong parak kayu.

⁶Uras ukiran kayu ihancor ewen dengan kapak tuntang tukul.

⁷Ewen mangehu Humam sampai lomos; tuntang mamapa eka manyembah Ikau.

⁸Ewen handak mampakalah ikei samasinde, tuntang mangehu lepah eka sombayang hong lewu toh.

⁹Kare nabi tuntang taloh heran dia gitan hindai, tuntang jaton aton je katawan sampai hamprea tarus kalotoh.

¹⁰Sampai hamprea, o Hatalla, musoh manawah Ikau? En sampai katatahie ewen manawah Aram?

¹¹Mbuhen Ikau dia hindai mandohop ikei?[38] Mbuhen Ikau manalua ikei?

¹²Bara solake Ikau rajangku, o Hatalla, Ikau je manyalamat ikei.

¹³ Hapan kaabas je dia laluen Ikau manyila tasik, tuntang mamusit takolok naga tasik.

¹⁴ Ikau mamparotek kare takolok Lewiatan tuntang mawie jadi panginan taloh je melai padang pasir

¹⁵Ikau mampahasor tahasak danum tuntang sungei; sungei ije hai je hai impateah Awim.

¹⁶Ikau je manjapa handau tuntang hamalem, tuntang manukas eka matanandau tuntang bulan.

¹⁷Ikau manukas kare watas kalunen, manampa wayah pandang tuntang wayah pangujan.

¹⁸Ingat kilen musoh manawah Ikau, o TUHAN, bangsa je dia kasene Ikau manyapa Aram.

¹⁹Ela manyarah ungkup Ayum je balemo akan lengen musoh je tulas. Ela sampai katatahie mangalapean kajarian ungkup Ayum je asi-asi.

²⁰Ingat janji je iawim dengan ikei, awi oloh malalus kakaras hong genep eka je kaput intu lewu toh.

²¹Ela manalua oloh tatindas impahawen, keleh oloh je kapehe tuntang je belom susah manara Ikau.

²²Harikas o Hatalla, ilang pakara Aim! Awi hapus andau Ikau inawah awi kare oloh je dia percaya Dengam.

²³Ela kalapean kariak kare musoh Aim, karidun musoh Aim je sasar hai!