Read Ngaju MASMUR 79 Bible Online

MASMUR 79 - Ngaju bible

MASMUR 79

¹ Masmur Asap. O Hatalla, bangsa je dia kasene Ikau jari manguasa tanah pasuka Aim. Ewen mamapa Human Aim, Yerusalem iawi jadi taloh je baduroh baderep.

²Hantun kare reawar Aim ilihi ewen jadi panginan kare burong intu udara. Hantun kare oloh je eka sintan Aim inalua ewen jadi panginan meto bariar.

³Intu hapus lewu Yerusalem dahan ewen batusoh kilau danum jaton je mangubur ewen.

⁴Ikei jadi tatawen bangsa hakaliling ewen manawah tuntang hababaka ikei.

⁵O TUHAN, en sampai katatahie Ikau sangit, tuntang kabehon Aim hanyala kilau apui?

⁶Tusoh kalait Aim akan kare bangsa je dia kasene Ikau, tuntang akan hunjun kare karajaan je dia manempo Ikau.

⁷Awi jari mambinasa ungkup Ayum tuntang ewen mahancor eka melai ain ungkup Ayum.

⁸Ela mahukum ikei awi dosan tato hiang hiang ikei. Keleh bajeleng pasi ikei awi ikei bageto kaharap.

⁹Dohop ikei o Hatalla, panyalamat ikei, ampun kare dosan ikei tuntang lapas ikei tagal hormat Ayum kabuat.

¹⁰Ela manalua bangsa beken misek tahiu ikei, “Intu kueh Hatallan ewen?” Nauh ikei mite pambaleh mawi kare bangsa je mampatei kare rewar Aim.

¹¹Hining tarahing kare tahanan; keleh oloh je inukas akan matei inalua Awim belom awi kuasan Aim.

¹²O TUHAN, baleh kare bangsa te uju lipet awi kakare auh hababakan ewen mawi Ikau.

¹³Palus ikei ungkup Ayum, tabiri je inyakatik Awim kareh manarimakasih Akam palus katatahie, tuntang manara Ikau gilir-manggilir.