Read Ngaju MASMUR 81 Bible Online

MASMUR 81 - Ngaju bible

MASMUR 81

¹Akan pamimpin koor. Tumon kare lagu Gitit. Bara Asap.

²Keleh manyanyi kare tara akan Hatalla, kaabas itah, basasurak dengan kahanjak akan Hatallan Yakob.

³Pahiau tarabang, ambo nyanyi, pahiu gambus tuntang kacapi dengan bahalap.

⁴ Pahiau tarompet huang andau hai ain itah, intu pesta bulan taheta tuntang bulan bunter.

⁵Awi taloh te ije atoran huang Israel, ije parentah bara Hatallan Yakob.

⁶Iawie jadi tukas akan bangsa Israel katika Ie miar malawan Misir. Aku mahining basan oloh je dia aku kasenee.

⁷“Aku jari manggatang tanggongan bara hunjun baham, tuntang malapas karanjang pikul bara lengem.

⁸ Huang kajakem ikau mantehau, tuntang Aku manyalamat ikau. Inombahku auhm bara nyaho eka-Ku basahokan, incuba-Ku ikau intu tahasak Meriba.

⁹Hining tingak-Ku, o ungkup-Ku, Israel, jaka ikau maku mahining auh-Ku!

¹⁰ Ela aton marak keton hatalla beken, ela manyembah hatallan oloh luar.

¹¹Aku TUHAN, Hatallam, je mangagalan ikau balua bara Misir. Metoh ikau balau aku mampakanan ikau.

¹²Tapi ungkup-Ku dia maku mahining auh-Ku, Israel dia maku manumon auh-Ku.

¹³Awi te Aku manalua ewen badungil; nauhe ewen manatumba kanahuang ewen kabuat.

¹⁴Jaka ungkupku maku mahining auh-Ku, jaka ewen nahuang manumon auh-Ku,

¹⁵te Aku bajeleng mampakalah musoh ewen, tuntang manjera uras je manyarang ewen.

¹⁶Oloh je basingi Aku kareh inguasa-Ku, ewen kareh ihukum sampai katatahie.

¹⁷Tapi ungkup-Ku kareh impakanang-Ku hapan gandom je bahalap, tuntang imbesoh-Ku mado parak kayu.”