Read Ngaju MASMUR 85 Bible Online

MASMUR 85 - Ngaju bible

MASMUR 85

¹Akan pamimpin koor. Masmur jalahan Korah.

²Ikau mangilak lewun Aim, o TUHAN, pambelom Israel jari ihalalian Awim.

³Ikau jari mampun kare dosan ungkup Aim; Ikau mampun kare kasalan ewen.

⁴Ewen dia tinai ilait Awim; kalait Aim je hai injijit Aim haluli.

⁵Halalian ikei, o Hatalla panyalamat ikei, ela balait tinai dengan ikei.

⁶En Ikau balait dengan ikei katatahie, tuntang tetep malait girir-manggirir?

⁷Paabas ikei haluli, mangat ikei ungkup Ayum hanjak awi pandohop Aim.

⁸Parahan je Ikau tetep sinta, o TUHAN, tenga akan ikei salamat bara Ikau.

⁹Aku handak mahining auh TUHAN, Hatalla; Ie manyanyi kasanang akan itah ungkup Ayue, asal itah dia haluli mawi dosa.

¹⁰Toto, ie tatap manyalamat oloh je panumon, Hatalla je pangkahai kareh melai hong lewun itah.

¹¹Sinta tuntang kaketep kareh akan hasondau, kaadilan tuntang kadamai kareh hapalok.

¹²Kaketep olon kareh lembut bara hunjun petak, tuntang kaadilan Hatalla manjengok bara langit.

¹³TUHAN manenga taloh je bahalap, te lewun itah kareh mimbit hasil.

¹⁴Kaadilan kareh miar helo Baun TUHAN, tuntang manatap jalan Akae.