Read Ngaju MASMUR 95 Bible Online

MASMUR 95 - Ngaju bible

MASMUR 95

¹Ayu itah manyanyi akan TUHAN, basasurak akan panyalamat itah!

²Keleh itah manaharep Ie hapan lagu tarimakasih, basasurak Akae hapan lagu tara.

³Awi TUHAN Hatalla je pangkahai, Raja menteng je mahunjun kare dewa.

⁴Ie manguasa kare eka je pangkahandaleme hong penda petak, kare tantan bukit kea Ayue.

⁵Ie manguasa tasik awi Ie je manampae, petak mahin gawin lengen Aie.

⁶Keleh itah sontop manyembah Ie, mandeko utut intu taharep TUHAN, je manjapa itah.

⁷ Awi Ie te Hatallan itah, itah toh ungkup je ihaga Awie, sama kilau tabiri je inyakatik Awie. Andau toh ihining auh Ayue:

⁸ “Ela badungil kilau tato hiang keton intu Meriba kilau metoh ewen intu Masa, intu padang pasir.

⁹Intu hete ewen maningkes Aku, aloh ewen jari mite gawing-Ku.

¹⁰Epat puluh nyelo katahie Aku bajilek dengan ewen; Koangku: Toto bangsa te dia baketep! Ewen dia paduli kare parentah-Ku.

¹¹ Palus Aku sumpah huang kasangit-Ku, ewen dia kareh tame akan lewu te uka mandino malayan bara kare kaheka ewen dengang-Ku.”