Read Ngaju SEWUT SALOMO 19 Bible Online

SEWUT SALOMO 19 - Ngaju bible

SEWUT SALOMO 19

¹Labih bahalap oloh belom susah je bujur pambelome, bara oloh humong je rajin mananjaro.

²Karajin dia dengan pangatawan, dia bahalap; oloh je kajeng-kiso akan mawi kasalan.

³Olon mamparugi arepe kabuat awi kahumonge, limbah te manyalan TUHAN ganan taloh te.

⁴Oloh tatau sobate harajur mandahang; oloh je belom susah ilihi awi kawale haream.

⁵Oloh je mananjaro hong pengadilan, dia akan liwus bara hukum.

⁶Genep biti manggau jalan manduan atei oloh hai; uras oloh handak hasobat dengan oloh je rajin manenga.

⁷Oloh je belom susah inawah paharie, mahin haream awi kawale. Aloh kilen ampie ie manggau jalan, ie dia olih mangatau ewen.

⁸Eweh manggoang pangatawan, masi arepe; tuntang eweh je mingat taloh je iajare akan sanang.

⁹Oloh je mananjaro intu pangadilan batantu akan ihukum tuntang imbinasa.

¹⁰Dia pantas oloh humong belom paham kasanange, tuntang dia kea patut rewar marentah oloh je kuasa.

¹¹Oloh pintar harati tau manahan kasangite. Ie inara awi dia paduli kasalan oloh dengae.

¹²Kalait raja kilau auh sakungkong singa; kataun raja kilau ambon je mambisa taloh imbul.

¹³Anak je humong tau mambinasa bapae. Sawan oloh je rajin bakotok, kilau danum je harajur mahantis.

¹⁴Huma tuntang ramon panatau tau dinon bara oloh bakas, tapi sawan oloh je pintar jete panenga bara TUHAN.

¹⁵Gawi je kula-kulas mawi oloh batiroh manyangit, tuntang kajariae oloh kadian akan balau.

¹⁶Oloh je manumon kare parentah Hatalla akan salamat, oloh je dia maregae akan matei.

¹⁷Mandohop oloh je belom susah sama kilau manjahaman TUHAN; kareh TUHAN kea je akan mambalehe.

¹⁸Ajar anakm, katahin magon aton harapan; amon dia, rimae ikau mangahandak kahancor akae.

¹⁹Nauhe oloh je panyangit mangkeme kabuat balehe. Amon ikau mandohop ie, ikau baya mandahang kasangite.

²⁰Amon ikau rajin bajar tuntang mahining nasehat, ikau akan jadi oloh je tempon pangatawan tahiu kapintar tuntang kaharati.

²¹Olon tempon are rancana, tapi baya tukas TUHAN je ilalus.

²²Sipat je iharap bara olon iete kaketepe. Labih bahalap belom susah bara jadi oloh pananjaro.

²³Keleh mahormat TUHAN, te pambelom ayum sanang; ikau akan puas tuntang liwus bara calaka.

²⁴Aton oloh je dia lue-luen kapaham kadiae; sampai manapel panginan akan nyamae mahin ie bakulas.

²⁵Amon oloh bajoho ihukum, oloh je dia aton pangalamae mandino ajar. Amon oloh harati impuji ie akan sasar pintar.

²⁶Anak je mangapehe tuntang maharakoloh bakase, jete anak je mampahawen tuntang dia patut.

²⁷Anakku, amon ikau dia maku bajar tinai, ikau akan kalapean taloh je jari iajarm.

²⁸Manjadi saksi je mananjaro, rimae manawah atoran; mawi calaka akan oloh mangat angate akan oloh papa.

²⁹Oloh humong je bajoho batantu akanimukul.