Read Ngaju SEWUT SALOMO 26 Bible Online

SEWUT SALOMO 26 - Ngaju bible

SEWUT SALOMO 26

¹Kilau ujan intu wayah pandang, tuntang salju intu wayah balasot kalote kea dia patut manara oloh humong.

²Kilau burong tarawang tuntang manari intu udara, tumon te kea sapa dia tau mawi oloh je dia sala.

³Kalidai patut ingkepan gandali, kuda patut ihewes, kalote kea oloh humong patut imukul.

⁴Oloh je tombah paisek oloh bureng, sama kahumonge dengan oloh te.

⁵Paisek oloh humong patut inombah dengan panombah je humong kea, uka je misek kasene je ie dia pintar tumon je iniroke.

⁶Manyoho oloh humong akan mangirim barita, sama dengan mamelek pai kabuat tuntang manggau calaka.

⁷Kilau oloh lumpuh je mahapan paie, kalote oloh humong je manasehat.

⁸Manara oloh je jaton pangatawae, sama kilau oloh mameteng batu site-siteng intu tali pamanting.

⁹Sama kilau oloh pambusau mangaruit duhi bara lengee, tumon te oloh humong je manenga nasehat.

¹⁰Ela kalapean sobatm atawa sobat bapam. Huang kasusah ela balaku pandohop bara paharim; oloh hasansila humam je tokep labih baguna bara pahari je kejau.

¹¹ Kilau aso haluli akan utae, kalote oloh humong je nangkaluli kahumonge.

¹²Oloh je humong toto magon labih bahalap bara oloh je mitong arepe pintar.

¹³Oloh kadian rajin melai huma; ie hamauh, “Aton singa intu ruaraku tau inangkarap benteng jalan.”

¹⁴Kilau bauntonggang hundi intu engsel, kalote oloh kadian menter golang-galing intu ekae batiroh.

¹⁵Aton oloh je pakarok kadiae; manapel panginan akan nyamae mahin ie bakulas.

¹⁶Oloh kadian mado arepe labih mangatawan tahiu kapintar tuntang kaharati bara uju biti oloh je buah auhe tombah.

¹⁷Oloh je omba campur hong kabantah je dia urusan ayue sama kilau oloh je manawan aso bariar intu pindinge.

¹⁸Oloh je manipu, palus hamauh, “Aku baya horeh bewei,” sama dengan oloh gila je busik dengan sanjata je babahaya.

²⁰Amon kayu jari lepah, apui belep; amon oloh je are rumbak kasingae jari jaton, kapaut kabantah kea terai.

²¹Sama kilau buring tuntang kayu mawi apui tetep banyala; kalote kea oloh je rajin mawi karidu mangalasot perkara.

²²Auh je mamapa te mangat angate; oloh rajin manelee.

²³Sama kilau kenceng bara petak inyapuh perak, tumon te oloh je bajenta pander intu totoke, tapi ateie papa.

²⁴Oloh panyingi bajenta auh kotake tapi ateie kontep tipu.

²⁵Aloh ie bajenta, ela percaya; awi kasingi manguasa ateie.

²⁶Aloh ie manyahokan kasingie, uras oloh akan mite kapapae.

²⁷Eweh mangali lowang akan oloh beken kareh tambohos akan huange. Eweh manggaling batu akan mawi oloh beken, kareh batu te buah arepe kabuat.

²⁸Mananjaro oloh sama ih kilau manying ie. Auh nyame je manis mawi calaka.