Read Ngaju SEWUT SALOMO 7 Bible Online

SEWUT SALOMO 7 - Ngaju bible

SEWUT SALOMO 7

¹Ingat kare auhku, anakku, tuntang ela mangalapean taloh je jari insanangku akam.

²Numon kare nasehatku mangat ikau belom sanang. Numon kare ajarku bua-buah kilau ikau mahaga bawak matam kabuat.

³Ingat harajur kare ajarku te tuntang ingkes jete huang ateim.

⁴Itong pangatawan tahiu kapintar tuntang kaharati kilau paharim tuntang pangatawan kilau sobatm je heret.

⁵Pangatawan tahiu kapintar tuntang kaharati akan mangejau ikau bara oloh bawi nakal, bara oloh bawi je auhe manyanang pindingm.

⁶Hong sinde andau aku mite bara baunsengok humangku.

⁷Palus gitangku are oloh hatue tabela je magon langena; tapi tantai aku mananture ije biti je humong bara marak ewen.

⁸Metoh halemei katika andau nampara kaput, oloh hatue tabela te tanjo-tanjong tokep palengkongan jalan je manalih eka melai ije biti oloh bawi.

¹⁰Oloh bawi te dia rajin melai intu humae. Hanjulo-hanjulo ie aton intu saran jalan, limbah te intu alon-alon, atawa mendeng intu simpang jalan. Langkasae bahanyi tuntang dia tau mahamen. Gitangku ie balua mahapan pakaian lontei, tuntang marawei oloh hatue tabela te dengan rencana je bakalilit.

¹³Ie mamalok oloh hatue tabela te tuntang manyiume. Hayak jaton kahawee ie hamauh,

¹⁴“Andau toh aku mambayar niatku, tuntang akan jete aku jari maluput parapah.

¹⁵Jete bukue aku balua manggau ikau, mangat ikau kuman intu humangku. Toh aku sondau ikau.

¹⁶Sasurongku jari inyaprei, saprei bahalap are warnae bara Misir,

¹⁷tuntang jadi imbirikku minyak mur je mangat ewaue, garo tuntang kayu manis.

¹⁸Toh, ayo itah hulit tuntang hasinta hapus alem.

¹⁹Banangku magon jaton intu huma, ie haguet kejau.

²⁰Ie mimbit are duit tuntang dia baka buli katahin due minggu.”

²¹Kalote oloh bawi te mamakat oloh hatue tabela te tuntang mangatau sampai oloh hatue tabela te maku manumon kahandake.

²²Ie manuntut oloh bawi te sama kilau sapi injijit akan eka manyambalih meto tuntang sama kilau oloh tawanan je imbit akan manarima hukum je inyadia akan oloh humong;

²³dia tahi tinai anak panah akan manembus ateie. Kilau burong je tarawang manintu jaring, kalote oloh hatue tabela te dia kasene je hambaruae buah ancam.

²⁴Tagal te, kare anakku, hining auhku. Nantuani kare nasehatku.

²⁵Ela manalua oloh bawi kalote mampipen ateim; ela haguet manggau ie,

²⁶awi ie jari mambinasa pambelom are oloh hatue. Dia tapareken karee je binasa awie.

²⁷Haguet akan humae rimae manduan jalan mametas manintu pampatei.