Read Ngaju SEWUT SALOMO 9 Bible Online

SEWUT SALOMO 9 - Ngaju bible

SEWUT SALOMO 9

¹Pangatawan tahiu kapintar tuntang kaharati jari mampendeng huma, tuntang mampendeng uju jihie.

²Ie jari manyambalih meto akan pesta, mawi danum anggor tuntang manatap taloh kinanan akan sarongan.

³Kare pembantu je bawi inyohoe haguet uka mantehau bara kare eka gantong intu lewu,

⁴“Eweh je dia are pangalamae, keleh akan hetoh!” Akan je jaton kaharati, pangatawan tahiu kapintar tuntang kaharati te hamauh,

⁵“Ayo mangkeme panginangku tuntang anggor je jari inampaku.

⁶Keleh malihi kahumong, mangat ikau tetep sanang. Keleh manumon jalan oloh harati.”

⁷Amon oloh je dia maku iajar ininjokm kasalae, ie akan manatawe ikau. Amon oloh papa ilaitm, ie akan manawah ikau.

⁸Ela manyalan oloh je dia maku iajar, ie akan basingi dengam. Tapi amon oloh pintar harati inunjukm kasalae, ie akan marega ikau.

⁹Amon oloh pintar harati inasehat awim, ie akan jadi labih pintar harati. Tuntang amon oloh je manempo Hatalla iajarm, pangatawae akan mandahang.

¹⁰ Uka jadi pintar harati, je mambatang oloh aton angate hormat tuntang mikeh dengan TUHAN. Amon ikau kasene Je Barasih Haliai, ikau akan mandino kaharati.

¹¹Pangatawan tahiu kapintar tuntang kaharati akan manenga akam umur panjang.

¹²Amon pangatawan tahiu kapintar tuntang kaharati manjadi ayum, ikau kabuat je ontong. Tapi amon ikau manolak jete, ikau kabuat je mangkeme karugie.

¹³Kahumong te kilau oloh bawi je carewet je dia are pangalamae tuntang jaton kahawee.

¹⁴Ekae iete intu bauntonggang humae atawa intu lawang lewu.

¹⁵Bara hete ie mantehau oloh je mahalau. Oloh je bujur ataeie iucoke.

¹⁶“Ayo tende o ikau je hindai are pangalamam!” Tuntang akan oloh je dia bara kaharati ie hamauh,

¹⁷“Danum je inakau angate manis, tuntang kuman sahoka-hokan labih mangat.”

¹⁸Ewen je jadi korban awie dia katawan oloh je manalih ie sondau pampateie intu hete; tuntang ewen je jari tame akan huang humae, metoh toh melai huang lewun oloh matei.