Read Ngaju PANGABAR 10 Bible Online

PANGABAR 10 - Ngaju bible

PANGABAR 10

¹Hantun langau mampakaram ije kasa minyak je mangat ewaue, isut kahumong manganan pangatawan tahiu kapintar tuntang kaharati je gantong.

²Puna pantas bewei amon oloh pintar harati malalus kahalap, tuntang oloh humong malalus kapapa.

³Kahumonge gitan hong uras kare taloh gawie. Tuntang akan kakare oloh imprahae kahumonge.

⁴Amon ikau ilait oloh je kuasa, ela balaku terai bagawi. Aloh kasalam hai, ikau iampun amon dia balisah tuntang sabar.

⁵Aton kapapa beken je gitangku hong kalunen, iete kare oloh je kuasa dia malalus gawi tumon atoran je aton.

⁶Oloh humong inenga pangkat je gantong, tapi oloh basewut dia dinon taloh en-en.

⁷Puji gitangku kare jipen manongkang kuda tapi oloh bangsawan mananjong kilau jipen.

⁸ Eweh mangali palowang, kareh manjato akan huange; eweh manelak dinding akan inotok handipe tada.

⁹Eweh bagawi hong tambang batu, ie kareh tantarang tuntang bahimang. Eweh je manising kayu, puna tau bahimang.

¹⁰Amon pisaum dia banyihi tuntang dia iasa, ikau musti bagawi labih karas. Keleh mahapan tirokm je buah, tuntang nampa rencana labih helo.

¹¹Amon handipe manotok helo bara impalinek hapan kaji, maka tabit tukang mampalinek handipe jaton gunae.

¹²Auh oloh pintar harati mawi ie ihormat, tapi oloh humong binasa awi auhe kabuat.

¹³Ie nampara dengan pander mangamburau, tapi kajariae pandere kilau pander oloh nyanyau.

¹⁴Puna oloh humong are pander. Andau je inaharep harian basahokan akan itah handiai. Jaton je tau manujum taloh je manjadi limbah itah jaton.

¹⁵Baya oloh humong je dia katawan jalan akan humae, ie bagawi babehat dia tera-terai.

¹⁶Calaka lewu je rajae tabela toto, tuntang kare kapalae ije ale-alem pesta barami-rami.

¹⁷Bontong lewu je rajae hai pangaruhe, je kapalae kuman hong katikae, dia rajin babusau tuntang apik manahan arepe.

¹⁸Sapau huma kareh mamantis amon dia ingambuah, tuntang kajariae huma te rebuk awi kakulas.

¹⁹Pesta mawi tatawe, tuntang anggor mawi kahanjak. Tapi perlu aton duit hapa mambayar jete.

²⁰Ela manida raja, aloh hong atei. Ela manyapa oloh tatau, aloh hong kamar eka batiroh kabuat. Eweh katawae ije kongan burong mahining taloh kuam, palus mansanae akan oloh te.