Read Ngaju PANGABAR 9 Bible Online

PANGABAR 9 - Ngaju bible

PANGABAR 9

¹Uras taloh te inirokku bua-buah. Hatalla mator pabelom oloh bahalap tuntang pintar harati, sampai amon oloh te basingi atawa sinta. Jaton je katawan narai je kareh manjadi harian andau.

²Punae, kajarian je sama buah genep biti. Oloh bujur atawa oloh dia bahadat, oloh tetek atawa oloh papa, oloh barasih atawa oloh dia barasih, oloh je maluput parapah atawa dia. Oloh bahalap dia labih batuah bara oloh badosa, oloh je basumpah sama ih dengan oloh je dia maku sumpah.

³Jadi, kajarian je sama buah ewen urase. Tuntang jete taloh je mangapehe atei kilau kea kare taloh beken je manjadi hong kalunen. Katahin pambelome atei olon kontep kapapa, tuntang tiroke kontep kahumong. Palus salenga ie matei.

⁴Tapi katahin belom, katahin teaton kaharap. En dia aso je belom labih sanang bara singa je jaton tahasenge?

⁵Sadia-diae oloh belom katawan tahiu pampatei mentai ie, tapi oloh matei dia katawan taloh en-en. Akae jaton upah atawa baleh, tuntang arae jari ingalapean.

⁶Angat sinta, kasingi tuntang kanahuange, urase matei hayak ie. Ie dia omba en-en hong kare taloh je manjadi hong kalunen.

⁷Ayo, keleh kuman tuntang hanjak, ihop anggorm dengan kahanjak. Hatalla dia mangahana, Ie mangilake haream.

⁸Nauhe ampin baum barasih bahalap.

⁹Keleh ngeme kamangat pambelom dengan sawam je inyintam katahin pambelom ayum je hayang, je inenga Hatalla akam hong kalunen. Ngeme kamangat genep andau aloh jaton gunae. Awi upah kahekam baya jete.

¹⁰Lalus kare gawim dengan salepah kaabas. Awi kareh jaton tinai tirok atawa gawi. Dia aton ilmu atawa pangatawan tahiu kapintar tuntang kaharati intu lewun oloh matei. Tuntang ikau kareh haguet akan hete.

¹¹Hong kalunen toh aton tinai je gitangku: Halanja dia harajur manang awi je capat hadari, parang dia harajur manang awi je abas. Oloh pintar harati dia harajur mandino gawi hapae belom. Tuntang oloh pintar dia harajur mandino panatau. Kea kare oloh je apik hong kare gawi harajur jadi oloh basewut. Basa eweh bewei kajariae tau buah sial.

¹²Olon dia katawan hamparea katikae dumah. Kilau burong buah jarat, tuntang lauk buah lunta, kalote kea olon buah calaka hong katika je dia ingira.

¹³Jetoh aton ije sonto je buah, kilen ampie oloh marega pangatawan tahiu kapintar tuntang kaharati:

¹⁴Aton ije lewu korik je isut oloh melaie. Sinde andau ije raja hai dumah manyarang lewu te. Ie mangaponge, tuntang batatap handak manelak dindinge.

¹⁵Intu lewu te aton ije oloh je belom susah je tempon kapintar tuntang kaharati. Ie tau manyalamat lewu te. Tapi awi ie belom susah, kahalap gawie jeleng ingalapean tuntang jaton ije biti je mingat ie.

¹⁶Jadi, toto tirokku je pangatawan tahiu kapintar tuntang kaharati labih bara kaabas. Aloh kalote, pangatawan tahiu kapintar tuntang kaharati ain oloh je belom susah te ingalapean. Kare auhe jaton je inyeneh.

¹⁷Labih bahalap mahining kare auh je lowa-lowah ain oloh je are pangatawae bara kariak ije oloh je kuasa hong pumpong kare oloh humong.

¹⁸Pangatawan tahiu kapintar tuntang karati labih baguna bara pakakas parang, tapi kasumba ije kapantis marusak susu ije balanai.