Read Ngaju YESAYA 12 Bible Online

YESAYA 12 - Ngaju bible

YESAYA 12

¹Akan dumah katikae ikau manyanyi: “TUHAN aku manarimakasih Akam, awi Ikau mampong aku. Bihin Ikau sangit dengangku, tapi toh kasangit Aim jari terai.

² Toto Hatalla te Panyalamatku, aku percaya Dengae. Aku dia mikeh, awi Ie mampaabas aku. Panyalamatku iete Hatalla, akan Arae aku manyanyi.

³Kilau danum sadingen mampahanjak oloh je teah belaie, tumon te keton akan hanjak rantang, awi inyalamat Hatalla.”

⁴Akan sampai katikae keton hamauh, “Keleh manarimakasih akan TUHAN, tuntang sembah Ie. Keleh mambarita akan kare bangsa kahain Aie tuntang kare gawin Aie.

⁵Keleh manyanyi akan TUHAN, awi Ie are mawi taloh heran. Keleh hapus kalunen mahining tahiu kare gawin Aie.

⁶Keleh basasurak o kare oloh Sion, keleh manyanyi dengan kahanjak. Hatallan Karasih Israel toto hai, Ie melai intu bentok keton.”