Read Ngaju YESAYA 20 Bible Online

YESAYA 20 - Ngaju bible

YESAYA 20

¹Tagal parentah Sargon, raja Asur, pangkalima tantara Asur manyarang Asdod, lewun oloh Pilistin.

²Telo nyelo helo bara te, TUHAN manyoho Yesaya anak Amos mengkak sarumpah tuntang tapih karong je magon ihapae. Ie manumon tuntang mananjong halowai tuntang dia mahapan sarumpah.

³Katika lewu Asdod ingapong, TUHAN hamauh, “Rewar-Ku Yesaya jari telo nyelo halowai tuntang dia mahapan sarumpah. Jetoh tanda tahiu taloh je akan manjadi buah Misir tuntang Sudan.

⁴Raja Asur akan manawan kare oloh bara due lewu te. Ewen akan iimbit marak halowai, bakas tuntang tabela, uras ewen te akan mananjong dia habaju tuntang dia mahapan sarumpah hayak parae gitan, kilau tanda katawah akan Misir.

⁵Kare oloh je mampatamam Sudan tuntang manara Misir akan kacewa tuntang kaharape hancor.

⁶Katika te akan oloh je melai intu saran tasik akan hamauh, ‘Item taloh je manjadi buah bangsa je impatamam awi itah uka mangalindong itah bara raja Asur. Kueh tau itah salamat?’ ”