Read Ngaju YESAYA 23 Bible Online

YESAYA 23 - Ngaju bible

YESAYA 23

¹ Jetoh peteh tahiu Tirus. O kare oloh palaut bara Tarsis je mahoroi tasik, keleh manatum! Katika balayar buli bara Siprus, akan keton insanan je lewu Siprus jari hancor. Palabohan tuntang human keton jari tisa duroh derepe bewei.

²Keleh manambawai, o oloh lewu saran tasik, kare saudagar Sidon! Awi bahut keton manyoho kare oloh dimpah tasik uka badagang gandom Misir tuntang uka badagang dengan kakare bangsa.

⁴O lewu Sidon, hormatm jari nihau! Tasik lombah je handalem dia mangaku ikau tinai, koae, “Aku hindai puji manak, hindai puji mampahai anak hatue atawa bawi.”

⁵Oloh Misir mahin akan tarewen tuntang geger amon mahining je Tirus jari imbinasa.

⁶Keleh manangis, tuntang bindah akan Tarsis, o oloh lewu saran tasik!

⁷Item lewum Tirus te je jari aton bara jaman horan. En jetoh lewu je bahut harajur barami-rami? En jetoh lewu je manyoho kare oloh dimpah tasik uka manamuei intu hete?

⁸En dia kare saudagar ayue jalahan oloh bangsawan je paling ihormat intu hapus kalunen? Eweh je manduan kaputusan uka mampanjato Tirus, lewu je paling kuasa toh?

⁹TUHAN Je Jaton Tikas Kuasae, Ie te je manduan kaputusan te. Ie mamutus uka mahapus kajohon oloh lewu te tahiu kare hasil je dinon ewen, tuntang mamparandah kare oloh je ihormat hunjun petak.

¹⁰Lius nguan tanam, o oloh lewu Spanyol, basa galangan kapal jaton hindai.[33]

¹¹TUHAN jari manjuju lengen Ayue intu hunjun tasik tuntang manggaling kare karajaan. Ie manenga parentah uka kare kota hong Penisia impalomos.

¹²Koan TUHAN, “O lewu Sidon! Ikau dia akan sana-sanang tinai. Oloh lewum ingapehe. Aloh ewen bindah akan Siprus, ewen dia mangkeme aman.” (

¹³Dia ie bangsa Asur, tapi bangsa Babel je manalua Tirus inguasa awi meto basiak. Ewen kea je mampendeng kare candi hapa mangapong, manderep kare kotae tuntang mawi lewu te baderep baduroh.)[34]

¹⁴Keleh manatum, o kare oloh palaut! Lewu je andal akam te jari hancor.

¹⁵Akan dumah katikae Tirus akan ingalapean uju puluh nyelo, sama dengan umur ije biti raja. Amon jari mahalau katika te, Tirus akan jadi kilau bawin lontei huang nyanyi toh:

¹⁶Duan kacapi, ngaliling lewu, o lontei je asi-asi awi ie ingalapean! Pahiau kacapi keleh manyanyi tinai, uka ikau iingat haluli.

¹⁷Limbah uju puluh nyelo te, TUHAN akan mingat Tirus tuntang mawi ie tau manguan gawi je solake. Ie akan badagang dengan kakare karajaan hong hunjun petak.

¹⁸Untung tuntang upah je dinon dia akan iingkese, tapi akan inyarahe akan TUHAN. Kare oloh je manyembah TUHAN akan mahapan duit te uka mamili taloh kinan tuntang taloh hapan je inggau ewen.