Read Ngaju YESAYA 27 Bible Online

YESAYA 27 - Ngaju bible

YESAYA 27

¹ Katika te TUHAN akan mahapan padange je abas tuntang banyihi uka mahukum Lewiatan,[39] handipe je maliuk (Asur), tuntang mangalingkar (Babel), tuntang akan mampatei naga intu saran tasik (Misir).

²Katika te TUHAN akan hamauh, “Keleh manyanyi tahiu kabon anggor ayung-Ku ije bahalap.

³Aku, TUHAN, je manjagae; sining katika aku manatae hapan danum, handau hamalem aku manjagae, uka ela aton taloh je manderohe.

⁴Aku dia mangkeme sangit tinai. Jaka aton oru atawa rowut haduhi, Aku akan manganae, tuntang mamapuie lepah-lepah.

⁵Tapi Amon kare musoh ungkup-Ku manggau kalindong dengang-Ku, keleh ewen badamai dengang-Ku, yoh badamai dengang-Ku.”

⁶Hong katika je naharep, bangsa Israel akan kilau batang kayu je muhat tuntang mangambang, hayak mangontep petak dengan kare buae.

⁷TUHAN mahukum ungkup Ayue dia kilau kabehat hukuman je Awie buah kare bangsa je jadi musoh ewen. Ie dia mampatei ungkup Ayue kilau Ie mampatei musoh Ayue.

⁸TUHAN mahukum ungkup Ayue awie manganan ewen akan lewun oloh bangsa beken. Ie maharak ewen hapan riwut papa bara timor.[40]

⁹Tapi kare dosan Israel baya tau iampun amon mesbeh kare dewa imipis rotek kilau kapur. Uras eka garo tuntang hampatong Dewi Asera musti imparamok kea.

¹⁰Lewu je hadinding batu te jari benyem tuntang ilihi sama kilau parak kayu je jaton oloe. Kawan meto kuman oru tuntang malayan kahekae intu hete sambil mampalepah kare dawen bara kare edan kayu.

¹¹Amon kare patinge jari keang tuntang bapelek, kare oloh bawi dumah tuntang mawi pandok apui. Bangsa te dia harati en-en, palus Hatalla je manampae dia akan sayang tuntang sinta ewen.

¹²Hong katika te TUHAN akan mamumpong bangsa Ayue mije-mije bara Sungei Euprat sampai akan helat watas dengan Misir. Ie akan mamisah ewen kilau mamisah bawak gandom bara bulue.

¹³Metoh te akan impahiau tarompet hai hapa mantehau haluli uras kare oloh Israel je inawan intu Asur tuntang intu Misir. Ewen kareh dumah akan Yerusalem uka manyembah TUHAN intu bukit Ayue je barasih. [41]