Read Ngaju YESAYA 35 Bible Online

YESAYA 35 - Ngaju bible

YESAYA 35

¹Padang pasir tuntang petak keang akan hanjak rantang, kare kambang akan burai intu parak kayu.

²Padang pasir mangambang labat, tuntang manyanyi lagu kahanjak. Kahalape kilau bukit Libanon, sangkowonge kilau Janah Karmel tuntang Saron. Palus genep bitin oloh akan mite kuasan TUHAN, tuntang kahain Hatallan itah.

³ Keleh mampaabas lenge je balemo keleh mandehen utut je hagenjeh.

⁴Sanan akan oloh je korik ateie, “Keleh paabas ateim, ela mikeh, Hatallam dumah akan mahukum musoh, Ie dumah manyalamat ikau.”

⁵ Metoh te oloh babute tau mite, tuntang oloh badengen tau mahining.

⁶Oloh lumpuh kajo-kajok kilau bajang oloh bisu basasurak hanjak. Awi tahasak danum manampusak intu padang pasir, Sungei mahasor intu parak kayu.

⁷Baras je balasut akan jadi talaga, petak je keang jadi kare tahasak danum. Eka je solake ielai sarigala akan inumbo taberau tuntang batang pudak.

⁸Intu hete akan aton jalan hai, “Jalan manintu salamat” arae. Oloh badosa dia tau mahalau intu hete, oloh humong dia tau mampalayang oloh je mahoroie.[46]

⁹Intu eka te dia aton singa, atawa meto basiak je beken. Kare oloh je inyalamat TUHAN akan mananjong intu hete.

¹⁰Kare oloh je iliwus TUHAN akan buli; ewen tame lewu Yerusalem sambil basasurak, baun ewen hasangkowong awi kahanjak je katatahie. Ewen akan hanjak tuntang barami-rami; kasusah tuntang tarahing jari lilap.