Read Ngaju YESAYA 54 Bible Online

YESAYA 54 - Ngaju bible

YESAYA 54

¹ Yerusalem, bihin ikau sama kilau oloh bawi tamanang je dia tau manak. Tapi toh keleh basasurak, tuntang keleh manyanyi tuntang hanjak! Awi kare anakm are toto, labih bara anak oloh bawi je dia ilihi banae.

²Palombah kare kemah ekam melai; nontong kare talie tuntang nyegah kare pasake!

³Ikau akan sasar lombah akan hila gantau tuntang akan hila sambil, oloh lewum akan manguasa petak kare bangsa tuntang melai kare lewu je katika toh tunis benyem.

⁴Ela mikeh ikau dia akan impahawen; dia akan inawah tuntang dahe-dahei. Ikau akan kalapean gawim je mahiwang metoh ikau tabela; dia mingat tinai angat kabenyem pambelom aim kilau ije biti balo.

⁵Je manampa ikau sama kilau banam, Hatalla Je Barasih ain Israel iete Panyalamat aim. TUHAN Je Jaton Tikas Kuasae, jete aran Ayue, Ie Hatalla je manguasa hapus kalunen.

⁶Israel, ikau sama kilau sawan oloh je tabela je pehe atei awi ilihi banae. Tapi Hatalla mantehau ikau haluli tuntang hamauh,

⁷“Baya hanjulo bewei Aku malihi ikau; hapan salepah sinta-asingku ikau induang-Ku haluli.

⁸Hanjulo ih Aku manalikut arep-Ku bara ikau awi kasangit-Ku je hasep. Tapi hapan sinta je katatahie Aku sinta ikau.” Kalotoh koan Hatalla Panyalamat aim.

⁹ “Sama kilau intu wayah Noah Aku hajanji iete danum soho dia tinai mampaleteng petak, kalote kea katika toh Aku hajanji je Aku dia akan sangit atawa maancam tinai.

¹⁰Aloh kare bukit tuntang kare lungkoh hongge, Aku dia akan tende sinta dengam. Janjing-Ku mangat badamai dengam akan iimbing-Ku harajur,” koan TUHAN je sinta ikau.

¹¹ TUHAN hamauh, “O Yerusalem, lewu je asi-asi, ikau jaton kabawam tuntang jaton je mampong ikau. Kare galangm akan iandak-Ku haluli, hapan kare batu barega.

¹²Aku mamangun kare dinding batu bara batu delima, kare lawangm bara batu akot, kare dindingm bara intan barlian.

¹³ Kakare oloh lewum jadi murid-Ku, ewen akan sanang mangat.

¹⁴Ikau imangun hagalang kaadilan, ingejau bara kasabanen tuntang kapehe.

¹⁵Amon ikau inyarang, dia Aku je manyohoe, eweh bewei je manyarang ikau akan manjato.

¹⁶Aku toh je manjapa tukang sanaman je mangipas apui hapa maninih sanjata. Aku je manampa tantara je mahapan senjata te uka mampatei.

¹⁷Tapi genep senjata je inampae hapa malawan ikau, dia akan bahasil. Tuntang genep auh dawa huang pengadilan akan imbukti sala awim. Aku akan manenga kamanang akan kare rewar-Ku,” tumon te auh TUHAN.