Read Ngaju LEWITIKUS 11 Bible Online

LEWITIKUS 11 - Ngaju bible

LEWITIKUS 11

¹TUHAN manenga akan Moses tuntang Aron kare atoran toh

²akan bangsa Israel. Uras meto je belom intu hunjun petak je manyipa handue hayak tunjike basila jete meto bahalap tuntang tau kinan.

⁴Ela kuman onta, palanduk atawa kalinci. Meto te papa aloh manyipa handue, tunjike dia basila.

⁷Ela kuman bawoi. Meto te papa, awi aloh tunjike basila, ie dia manyipa handue.

⁸Isie dia tau kinan tuntang hantue kea dia tau inigong awi meto te papa.

⁹Keton tau kuman uras macam lauk je hakiting tuntang hatisik.

¹⁰Meto je belom intu huang danum tapi dia hakiting tuntang hatisik jete meto papa. Jete dia tau kinan, hantue dia tau inigong.

¹³Bara kare burong, awang toh je dia tau kinan awi papa ie te: burong rajawali, burong mangkong, uras macam antang, burong nasar, tingang, burong onta, kalialang, burong laut, uras macam bangau, boak, sabaru tuntang bangamat.

²⁰Uras meto korik je barapalapas jete papa,

²¹suali je tau manangkajok.

²²Maka sangkalap, jangkrik tuntang sangkalap bahijau tau kinan.

²³Tapi uras meto korik beken je barapalapas tuntang manggayar jete papa.

²⁴Ije biti oloh jari papa sampai matanandau belep amon ie manigong hantu je bara meto toh ie te: meto je hatunjik, suali je tunjike basila tuntang manyipa handue, meto je hapai epat tuntang aton sikue batajim. Ewe-eweh mimbit hantun meto je macam jete musti mampukan pakaiae, tapi ie magon papa sampai matanandau belep.

²⁹Balawau petak, balawau hai, balawau korik, kadal, uras macam bakatak, tahatong, bajawak, sangahau, kalambuei tuntang angoi jete papa.

³¹Ewe-eweh je manigong meto te atawa hantue, ie jari papa sampai matanandau belep.

³²Amon hantun meto te manjato akan ije ramo, maka ramo te jari papa. Taloh te manjadi uras akan macam ramo bara kayu, benang, upak, benang kampil, en ramo te kanjeran ihapan atawa dia ihapan. Ramo te musti lukum intu danum, tapi tetep papa sampai matanandau belep.

³³Amon hantu te manjato akan huang balanai petak, uras taloh je aton huang balanai te papa, tuntang balanai te musti imusit.

³⁴Panginan je buah danum bara balanai te papa, tuntang taloh ihop je aton huang balanai te papa kea.

³⁵En bewei je buah jaton hantu te, papa. Tungku atawa eka mamapui bara petak musti imusit awi papa. Suali tahasak danum atawa kalin danum,

³⁶uras taloh je beken jadi papa amon buah hantu.

³⁷Amon hantu te manjato intu hunjun binyi je inawur, binyi te tetep barasih.

³⁸Tapi amon binyi te kanjerae ilukum intu huang danum palus buah jaton hantu te, maka binyi te papa.

³⁹Ewe-eweh je manigong hatun meto je dia pali jari papa sampai matanandau belep.

⁴⁰Oloh je mimbit atawa kuman hantu te musti mampukan pakaiae, tapi ie tetep papa sampai matanandau belep.

⁴¹Uras meto je manyalantar intu hunjun petak, aloh je manggayar, je hapai epat atawa hapai are, jete papa tuntang dia tau kinan.

⁴³Ela mamapa arepm awi kuman meto macam te.

⁴⁴ Aku toh TUHAN, Hatallan keton, tagal te parasih arep keton awi keton patut barasih, awi Aku toh barasih. Ela keton mamapa arep keton dengan gagenep meto je manyalantar tuntang manggayar intu hunjun petak.

⁴⁵Aku toh TUHAN je jari mimbit keton balua bara Misir, mangat Aku tau jadi Hatallan keton. Keleh keton barasih, awi Aku barasih.

⁴⁶Jete atoran tahiu meto, tatamput burong, meto je beken intu huang danum tuntang je manyalantar intu hunjun petak.

⁴⁷Keton musti tau mangasene taloh je barasih dengan taloh je papa, meto je tau kinan dengan meto je dia tau kinan.