Read Ngaju LEWITIKUS 12 Bible Online

LEWITIKUS 12 - Ngaju bible

LEWITIKUS 12

¹TUHAN manenga akan Moses kare atoran toh

²akan bangsa Israel. Amon ije biti oloh bawi manak anak hatue, maka katahin uju andau oloh bawi te papa, sama kilau metoh ie magon dumah bulae.

³ Hong andau je kahanya anake musti inyunat.

⁴Limbah te telo puluh telo andau tinai oloh bawi te magon papa awi magon mampalua daha. Ie dia tau manigong kare ramo je ihapan akan sombayang tuntang dia tau tame Kemah TUHAN sampai katika uka mamparasih jari lepah.

⁵Amon ije biti oloh bawi manak anak bawi, maka katahin epat walas andau oloh bawi te papa, sama kilau metoh ie magon dumah bulae. Limbah te jahawen puluh andau tinai oloh bawi te tetep papa awi magon mampalua daha.

⁶Limbah katika mamparasih jari lepah, aloh jari manak anak hatue atawa anak bawi, oloh bawi te musti mimbit parapah akan imam intu baun bauntonggang Kemah TUHAN. Parapah te ije kongan anak tabiri je ije nyelo umure akan parapah je ingehu, tuntang ije kongan burong dara tabela atawa burong kuku tabela akan parapah ampun dosa.

⁷Imam musti malupute akan TUHAN tuntang malalus upacara manganan kapapan oloh bawi te, sampai ie barasih. Jete je musti iawi ije biti oloh bawi limbah ie luas.

⁸ Amon oloh bawi te dia olih manyadia ije kongan anak tabiri, ie musti mimbit due kongan burong dara tabela atawa burong kuku tabela: ije kongan akan parapah je ingehu tuntang ije kongan tinai akan parapah ampun dosa. Imam patut malalus upacara manganan kapapan oloh bawi te, maka ie barasih.