Read Ngaju LEWITIKUS 18 Bible Online

LEWITIKUS 18 - Ngaju bible

LEWITIKUS 18

¹TUHAN manyoho Moses

²manyampai akan bangsa Israel parentah toh, “Aku TUHAN Hatallam.

³Ela manyonto gawin oloh Misir, eka keton puji melai, atawa oloh intu Kanaan, je akan eka te Aku toh handak mimbit keton.

⁴Numon kare atoran ayung-Ku tuntang lalus kare taloh je irentah-Ku. Aku TUHAN, Hatallam.

⁵ Numon kare atoran tuntang perentah je inenga-Ku akan keton. Amon keton malalus jete, pambelom keton salamat. Aku TUHAN.”

⁶TUHAN manenga kare atoran toh. Ela marantep ije biti oloh bara marak tundah paharim.

⁷Ela marantep indum, sawan bapam, awi ie hak bapam.

⁸ Ela manawah bapam, awim marantep ije bara kare sawae je beken.

⁹ Ela marantep betaum atawa pahari tirim, aloh ie impahai ije kahuma dengam atawa je impahai intu huma beken.

¹⁰Ela marantep esom; jete mampahawen arepm kabuat.

¹¹Ela marantep betaum ije bapa beken indu atawa ije indu beken bapa, awi ie paharim kea.

¹² Ela marantep minam, aloh ie paharin bapam atawa paharin indum.

¹⁴Ela marantep sawan mamam awi ie minam kea.

¹⁵ Ela marantep manantum,

¹⁶ atawa sawan kakam,

¹⁷ Ela marantep anak atawa eson oloh bawi je puji irantepm. Eweh katawae ewen te kolam kea, jete gawi je dia sanunoh.

¹⁸Ela kawin dengan paharin sawam katahin sawam kabuat magon belom.

¹⁹ Ela marantep oloh bawi metoh dumah bulae, awi ie metoh te papa.

²⁰ Ela marantep sawan oloh beken: gawi te mawi ikau papa.

²¹ Ela manenga ije bara anakm indu parapah manara Molokh, awi gawi te manawah aran Hatalla, TUHAN ayum.

²² Oloh hatue dia tau marantep oloh hatue; Hatalla manyingi gawi te.

²³ Hatue atawa bawi samasinde dia tau marantep meto, gawi te mamapa ikau.

²⁴Ela mamapa arepm dengan kare gawi te; awi tumon te kare bangsa je melai intu Kanaan helo bara keton jari mamapa arep ewen. Tagal te ewen iharak awi TUHAN mangat keton melai intu hete.

²⁵Ewen jari malalus uras gawi je papa te, sampai eka ewen papa. Palus TUHAN mahukum ewen tuntang dia manyoho ewen melai intu hete. Tapi keton dia tau sama sinde malalus kare gawi te. Uras keton oloh Israel, tuntang oloh bangsa beken je manetep narak keton, musti manumon atoran tuntang parentah TUHAN,

²⁸mangat keton dia ihukum awie tuntang iharak bara tanah te kilau kare oloh je dia kasene TUHAN, je melai intu hete helo bara keton.

²⁹Keton katawan eweh bewei je malalus gawi papa te, dia tinai iitong oloh ungkup ain Hatalla.

³⁰TUHAN hamauh, “Numon kare atoran je inenga-Ku tuntang ela manyonto gawin kareh oloh je melai Kanaan helo bara keton. Ela mamapa arep keton kabuat dengan malalus kare gawi te. Aku TUHAN, Hatallam.”