Read Ngaju YEREMIA 12 Bible Online

YEREMIA 12 - Ngaju bible

YEREMIA 12

¹“Amon aku mimbit perkarangku hong taharep Aim, o TUHAN, batantu akan babala iete Ikau je bujur. Tapi aku handak kea misek Ikau tahiu kaadilan: Mbuhen oloh papa sanang? Mbuhen maka oloh dia bujur je dinon hasil?

²Ikau mimbul ewen sama kilau taloh imbul, palus ewen muhat, belom tuntang mamua. Ewen harajur manahiu taloh je bahala-halap tahiu Ikau, tapi huang ateie, sapunae ewen dia paduli Ikau.

³Tapi Ikau, o TUHAN, kasene aku. Ikau mite taloh je ilalusku. Tuntang Ikau katawan kilen pangkeme ateiku Dengam. Ihir kare oloh papa te balua, imbit ewen sama kilau tabiri akan eka inyambalih. Jaga ewen sampai dumah katikae ewen inyambalih.

⁴Sampai kilen katahie tinai lewu toh keang, tuntang orue balayu hong genep tana? Burong tuntang meto je beken matei awi kapapan bangsa ikei. Ewen hamauh, je aku toh dia baka mite kajarian ewen.”[8]

⁵TUHAN hamauh, “Yeremia, amon ikau heka halanja dengan olon, kueh tau ikau halanja dengan kuda? Amon intu petak je jaton kaderoh ikau buah kikeh, narai je akan iawim amon ikau aton intu parak kayu hong saran Yordan?

⁶Ikau jari imapa haream awi tondah paharim kabuat; ewen omba manyarang ikau. Ela percaya dengan ewen, aloh kare auh ewen bahalap toto.”

⁷TUHAN hamauh, “Ekaku melai jadi dia Aku mahagae tinai, lewu je ayung-Ku jadi ilihi awi-Ku. Ungkup-Ku je inyinta-Ku jari inyarah-Ku akan kare musoh-Ku.

⁸Ungkup paintih-Ku malawan Aku; sama kilau singa intu parak kayu, tumon te ewen manyakungkong manintu Aku. Jete bukue Aku basingi dengan ewen.

⁹Ewen sama kilau burong je inyarang awi antang bara hete-hete. Tehau uras meto parak kayu mangat omba mampalepah ewen.

¹⁰Are oloh panguasa bangsa beken jari marusak kabon anggor-Ku tuntang mangijak-nandik kare tana ayung-Ku. Lewung-Ku je bahalap iobah ewen jadi padang pasir je benyem languen.

¹¹Yoh, Aku mite ewen mawi lewung-Ku eka benyem je mangapehe atei. Urase inalua, jaton je padulie.

¹²Bara dipah padang pasir intu kare bukit, kare oloh dumah akan marampok. Aku mawi parang akan marusak hapus tanah sampai jaton ije je tau belom mangat.

¹³Ungkup-Ku manawor gandom, tapi duhi bewei je inggetem. Ewen heka-heka tapi gawie dia dinon hasil. Aku paham sangit sampai getem ewen jaton hasile.”

¹⁴TUHAN hamauh, “Jetoh peteh-Ku tahiu kare bangsa je habantai dengan Israel je jari marusak tanah je inenga-Ku akan ungkup-Ku Israel. Kilau taloh imbul je injawut bara petak, tumon te kare oloh papa te akan impalua bara kare tanah ewen, tuntang Yuda akan ilapas-Ku bara karakop ewen.

¹⁵Tapi limbah mampalua ewen, Aku akan masi ewen tinai; genep bangsa akan imbit-Ku haluli akan tanahe kabuat.

¹⁶Amon ewen dengan bulat atei handak manarima agaman ungkup-Ku tuntang handak sumpah dengan hamauh, ‘Tagal TUHAN je belom,’ — kilau bihin ewen majar ungkup-Ku sumpah tagal Baal — maka ewen kea tame ungkup-Ku tuntang sanang jaton bara katapas.

¹⁷Tapi bangsa je dia maku manempo Aku, akan injawut awi-Ku kilau taloh imbul tuntang inganan awi-Ku. Aku, TUHAN, jari hakotak.”