Read Ngaju YEREMIA 19 Bible Online

YEREMIA 19 - Ngaju bible

YEREMIA 19

¹TUHAN manyoho aku mamili kandi, tuntang mimbit pire-pire pamimpin bangsa hayak pire-pire imam je baka-bakas;

² aku haguet haya-hayak dengan ewen akan Janah Hinom mahalau Lawang Kiwak Balanai. Intu hete aku musti mansanan taloh je imeteh Awie dengangku.

³Aku musti hakotak kalotoh, “O kare raja Yuda tuntang oloh Yerusalem! Hining taloh je Aku, TUHAN Je Jaton Tikas Kuasae, Hatallan Israel, handak mansanan akan keton. Aku akan mampadumah calaka je hai akan eka toh sampai oloh je mahininge tarewen.

⁴Taloh te ilalus-Ku awi bangsa toh jari malihi Aku. Ewen mamapa Aku toh dengan maluput parapah akan kare dewa je dia ewen kasenee, dia kea ingasene awi kare tato hiang ewen tuntang dia kea awi kare raja Yuda. Ewen kea jari manyuang eka toh hapan dahan kare oloh je jaton kasalae.

⁵ Ewen mampendeng mesbeh akan Baal eka maluput kare anak ewen indu parapah je ingehu. Padahal Aku dia puji manyoho ewen malalus taloh te. Uras taloh te mahin dia puji lembut hong tirok aing-Ku.

⁶Awi te, akan dumah katikae eka toh dia tinai inyewut Topet atawa Janah Hinom, malengkan Janah Pampatei.

⁷Intu eka toh Aku akan mambalang uras kahandak oloh Yuda tuntang oloh Yerusalem. Ewen akan inalua awi-Ku impakalah awi kare musoh ewen tuntang impatei hong kalahi. Hantun ewen akan unalua-Ku kinan burong tuntang meto basiak.

⁸Aku akan mawi calaka je hai akan lewu toh sampai gagenep oloh je mahalau intu hete akan tarewen tuntang mangkarieng.

⁹Musoh akan mangapong lewu toh, tuntang handak mampatei oloh je melai intu hete. Kapong te kalote katamame, sampai kare oloh hong lewu toh hakuman sama arepe, tuntang kare anak ewen kabuat.”

¹⁰Limbah te TUHAN manyoho aku mamusit kandi te intu taharep oloh je omba aku.

¹¹Aku musti, mansuman akan ewen je TUHAN Je Jaton Tikas Kuasae hamauh kalotoh, “bangsa tuntang lewu toh akan imparamok awi-Ku sampai jadi sama kilau kandi je imusit te je dia tau ingambuah tinai. Oloh akan mangubur kare hantun ewen intu Topet, awi jaton tinai eka kubur beken.

¹²Kota toh dengan kare oloh huange akan iawi-Ku kilau Topet.

¹³Uras huma intu Yerusalem tuntang uras human kare raja Yuda akan papa kilau Topet; awi intu hunjun sapau kare huma[11] te oloh jari mamapui garo akan kare dewa langit, tuntang maluput anggor akan kare dewa beken.”

¹⁴Palus aku malihi Topet eka-Ku inyoho manyampai peteh TUHAN. Aku haguet akan parantaran Human TUHAN tuntang mendeng intu hete, balalu mansanan akan oloh samandiai,

¹⁵iete TUHAN Je Jaton Tikas Kuasae, Hatallan Israel, hamauh kalotoh, “Awi keton badungil tuntang dia maku manyeneh, maka Aku akan mawi lewu toh tuntang akan uras kampong je tokep hakalilinge hapan calaka je jari irencana awi-Ku.”