Read Ngaju YEREMIA 40 Bible Online

YEREMIA 40 - Ngaju bible

YEREMIA 40

¹TUHAN hamauh dengangku limbah Nabusaradan, komandan pasukan te, mambebas Aku intu Rama. Aku jari imbit akan hete marak buah pasong mampahayak kakare oloh beken bara Yerusalem tuntang Yuda je metoh iimbit kilau tawanan akan Babel.

²Komandan pasukan te mantehau aku mangabuat tuntang hamauh, “TUHAN, Hatallam jari marencana akan mampalomos tanah toh.

³Toh urase taloh te jari ilalus Awie, awi bangsam jari badosa tuntang dia baketep manempo Ie.

⁴Toh aku mengkak pasongm bara lengem tuntang aku mambebas ikau. Amon ikau handak, ikau tau omba akan Babel, tuntang aku akan mahaga ikau. Tapi amon ikau dia handak, dia men ih. Intu hapus tanah toh ikau tau haguet akan kueh bewei ikau handak.”

⁵Helo bara haguet, Nabusaradan hamauh, “Amon handak, ikau tau haluli talih Gedalya anak Ahikam tuntang eson Sapan, je jari iangkat raja Babel jadi gubernur akan kare lewu Yuda. Ikau tau melai omba ie marak kare rayat, atawa haguet akan kueh bewei tumon kahandakm.” Balalu ie manenga panginan akan bahatangku tuntang hadiah akangku balalu manolak aku haguet.

⁶Aku haguet manalih Gedalya intu Mispa, tuntang melai dengae marak rayat je ilihi hong lewu Yuda.

⁷ Raja Babel jari mangkat Gedalya intu Yuda akan marentah uras oloh je magon melai intu Yuda, iete kare oloh je paling susah belom. Belahe bara kare perwira tuntang tantara Yuda je dia manyarah akan Babel, mahining tahiu Gedalya je iangkat jadi gubernur.

⁸Palus Ismael anak Netanya, Yohanan anak Kareah, Seraya anak Tanhumet, tuntang kare anak Epai bara Netopa, hayak Yesanya bara Maakha haguet dengan kare oloh ain ewen manalih Gedalya intu Mispa.

⁹Gedalya hamauh dengan ewen, “Keton dia usah mikeh manyarah akan Babel. Melai ih intu tanah itah toh tuntang jadi rewar raja Babel. Aku mananggong keton uka salamat.

¹⁰Keleh melai intu lewu je ingahandak keton. Duan tuntang ingkes anggor, kare bua tuntang minyak saitun. Aku kabuat akan melai intu Mispa tuntang jadi wakil rayat amon kare oloh Babel dumah akan hetoh.”

¹¹Metoh te kea uras oloh Israel je aton intu tanah Moab, Amon, Edom, tuntang kare lewu beken, mahining tahiu raja Babel je jari manyoho belahe oloh Israel melai intu Yuda, tuntang ie jari mangkat Gedalya jadi gubernur.

¹²Awi te ewen malihi eka ewen jari inaburan, palus haluli akan Yuda. Ewen dumah manalih Gedalya intu Mispa, tuntang mamumpong are toto anggor tuntang kare bua.

¹³Limbah te, Yohanan tuntang kare prawira je dia manyarah akan musoh, manalih Gedalya intu Mispa tuntang hamauh,

¹⁴“En ikau katawan, Baalis raja Amon jari manyoho Ismael mampatei ikau?” Tapi Gedalya dia percaya dengan auh ewen.

¹⁵Palus dengan suni-suni Yohanan hamauh dengan Gedalya, “Keleh aku haguet mampatei Ismael; jaton ije biti oloh akan katawan eweh je mawie. Mbuhen ie musti inalua mampatei ikau? Jete akan mambuku uras oloh Yuda je jari hapumpong intu hetoh dengam, kasaburan tinai, tuntang taloh te akan mamparusak hapus rayat je magon batisa intu Yuda.”

¹⁶Tapi Gedalya tombah, “Ela! Je insanam tahiu Ismael te dia toto!”