Read Ngaju YEREMIA 45 Bible Online

YEREMIA 45 - Ngaju bible

YEREMIA 45

¹ Hong nyelo kaepat metoh Yoyakim anak Yosia marentah intu Yuda, Barukh manyurat taloh je inambawak awi-Ku akae. Palus aku manyampai akae

²auh TUHAN, Hatallan Israel. TUHAN hamauh, “Barukh,

³ikau hakotak kalotoh, ‘Kayah, puna basial toto aku toh! Kasusahku are toto, tuntang TUHAN mandahange tinai dengan kajake. Aku jari heka manyarenan kapehe, jaton samasinde angat kasalawah atei.’

⁴O Barukh! Aku, TUHAN metoh manderep taloh je jari imangun awi-Ku, tuntang marukat taloh je jari imbul awi-Ku. Hapus kalunen iawi-Ku kalote.

⁵Mbuhen ikau handak ingabeken? Ela kalote, Barukh! Hapus kalunen ihukum-Ku hapan calaka, tapi tahiu ikau, sadia-diae ikau akan salamat. Akan kueh bewei ikau haguet, ikau akan tetep belom. Aku, TUHAN jari hakotak.”