Read Ngaju YEREMIA 47 Bible Online

YEREMIA 47 - Ngaju bible

YEREMIA 47

¹ Helo bara raja Misir manyarang Gasa, TUHAN hakotak dengangku tahiu lewu Palestina.

²TUHAN hamauh, “Item, danum mahasor bara utara tuntang mamurai kilau sungei je metoh soho mampaleteng tanah dengan taloh huange, kare lewu dengan oloh je melai hete. Oloh akan mangkariak balaku dohop tuntang hapus rayat manangis.

³Ewen akan mahining auh bandam darin kuda, auh kareta je hagaratik tuntang auh rodan kareta je hagarotok. Oloh bakas akan balemo tuntang dia hindai manirok anake.

⁴Jadi sampai katikae bangsa Palestina imbinasa urase, sampai Tirus tuntang Sidon dia hindai mandino pandohop. Aku, TUHAN, akan mambinasa hapus oloh Palestina je batisa bara Kreta.

⁵Oloh Gasa buah kapehen atei je paham; oloh Askelon gagum sampai jaton balua auhe. Sampai hamparea oloh Palestina je batisa harajur kapehe atei?

⁶Keton mangkariak, ‘Sampai hamparea ikau manyarang, o padang TUHAN? Keleh haluli tame kumpangm tuntang melai intu hete huang kasanang!’

⁷Tapi en tau ie dia balisah, amon Aku jari marentahe akan manyarang Askelon tuntang oloh intu saran Tasik?”