Read Ngaju ESEKHIEL 13 Bible Online

ESEKHIEL 13 - Ngaju bible

ESEKHIEL 13

¹TUHAN hamauh dengangku,

²“O anak olon, ningak kare nabi ain oloh Israel je mansanan tujum je ingarange kabuat. Nyoho ewen mahining auh-Ku.”

³TUHAN Ije Pangkahai hamauh, “Calaka kare nabi je humong te! Pangarinah je dinoe bara tiroke kabuat, tuntang paitee te uras tanjaro.

⁴O Israel, kare nabim te dia baguna, sama kilau kare sarigala je belom intu bentok lewu je jari baderep.

⁵Ewen dia manjaga kare eka dindinge je baduroh tuntang ewen dia mangambuah dinding te. Awi te Israel dia tau ihaga amon parang metoh andau Aku, TUHAN dumah mahukum.

⁶Kare paite ewen dia toto tuntang kare tujum ewen baya tanjaro. Ewen mangaku mimbit peteh bara Aku, padahal Aku dia puji manyoho ewen. Kilen ampie ewen tau maharap tujum ewen te tau manjadi?

⁷Aku, TUHAN Ije Pangkahai hamauh dengan ewen, ‘Kare paite keton te dia toto tuntang kare tujum keton te tanjaro. Keton manyewut taloh te uras jete peteh-Ku, padahal Aku dia puji hakotak dengan keton! Awi te Aku akan jadi musoh keton.

⁹Aku akan mahukum keton, o kare nabi je mansanan tujum tanjaro tuntang mangarang kare paite! Keton dia tau tinai omba manenga tukas hong kare pumpong ungkup-Ku. Kare aran keton akan inganan bara daptar bangsa Israel; keton dia akan buli tinai akan petak danum keton. Maka katawan keton je Aku toh TUHAN Ije Pangkahai.

¹⁰ O kare nabi pananjaro! Keton jari mampalayang ungkup-Ku awi keton jari mansanan taloh handiai uras bahalap tuntang buah. Ungkup-Ku jari mampendeng dinding hapan batu bata je longgar pangue, limbah te keton dumah manyapue hapan kapur.

¹¹O, Kare nabi pananjaro, dinding keton akan baduroh. Aku akan manusoh ujan labat. Dinding te akan intakan riwut barat tuntang ujan es,

¹²sampai balongkang, tuntang genep oloh akan misek narai gunae dinding te ingapur.’ ”

¹³TUHAN Ije Pangkahai hamauh, “Huang kasangit-Ku, Aku akan mimbit riwut barat, ujan labat tuntang ujan es akan marusak dinding te.

¹⁴Aku nahuang mampahancor dinding je ingapur keton te, mamparoteke sampai tisa galange bewei. Dinding te akan menyet tuntang mampatei kakare keton. Maka keton katawan je Aku toh TUHAN.

¹⁵Dinding te tuntang keton je jari mangapure akan mangkeme kapaham kasangit-Ku. Limbah te Aku mansanan akan keton je dinding te jari lepah lingis, sama kilau keton je mangapure,

¹⁶o kare nabi pananjaro! Keton manujum je Yerusalem bahalap tuntang buah, padahal samasinde dia!” Kalote auh TUHAN Ije Pangkahai.

¹⁷TUHAN hamauh, “Toh, o anak olon, ite kare oloh bawi je mawi arepe kilau nabi bawi marak bangsa ain keton. Ningak ewen,

¹⁸tuntang sanan akan ewen auh bara Aku, TUHAN Ije Pangkahai. ‘Calaka keton! Keton mawi akan kakare oloh kare galang kaji tuntang sandurong sakti mangat oloh je mahapae tau manguasa pambelom oloh beken. Keton nahuang manguasa urusan belom matei akan ungkup-Ku, tuntang kuasa te ihapan keton akan kaontong keton kabuat.

¹⁹Keton jari manawah Aku intu taharep ungkup-Ku baya awi handak mandino pire-pire karakop jelei tuntang pire-pire kabawak rote. Kare oloh je dia sala impatei keton, tapi kare oloh je patut matei inalua keton belom. Palus keton mananjaro ungkup-Ku tuntang ewen percaya dengan keton.’ ”

²⁰TUHAN Ije Pangkahai hamauh akan kare oloh bawi je mawi arepe nabi bawi te, “Aku basingi mite kare galang babasal je ihapan keton akan manguasa ungkup-Ku bara belom sampai matei. Kare galang te akan imasut-Ku bara lengen keton, tuntang kare oloh je inguasa keton akan iliwus-Ku.[21]

²¹Kare sandurong ain keton akan irabit-Ku, tuntang ungkup-Ku akan ingejau-Ku bara gawi papa ain keton sampai katatahie. Maka keton katawan je Aku toh TUHAN.

²²Kare oloh bahalap je dia maku inderoh awi keton, impikeh awi keton hapan tanjaron keton. Kare oloh papa impasanang awi keton uka tetep badosa tuntang dia inyalamat.

²³Toh jari hapus kare paite je dia toto tuntang tujum tanjaro ain keton. Aku manyalamat ungkup-Ku bara gawi papa ain keton. Maka keton katawan je Aku toh TUHAN.”