Read Ngaju ESEKHIEL 15 Bible Online

ESEKHIEL 15 - Ngaju bible

ESEKHIEL 15

¹TUHAN hamauh dengang-Ku,

²“O anak olon, narai kalabien kayu batang anggor bara kayu je beken intu parak kayu? Narai katamam batang anggor labih bara kare batang kayu beken intu parak kayu?

³En tau ihapan kayu akan manampa taloh en-en? En tau iawi akan kawit eka mangkoak pakakas?

⁴Jaton gunae beken bara akan pandok apui. Tuntang amon kadadue tapakae lepah bakehu, tuntang hila bentenge kea jadi buring, en magon aton gunae?

⁵Jaton! Aloh helo bara intokan mahin dia tau ihapan. Mahi tinai limbah imapui tuntang bakehu!”

⁶Awi te TUHAN Ije Pangkahai hamauh, “Sama kilau kayu batang anggor je induan bara parak kayu tuntang inusul, kalote kea akan iawi-Ku dengan oloh je melai intu Yerusalem!

⁷Aku akan mahukum ewen. Aloh ewen jari liwus bara apui, tapi apui kea je mampalomos ewen. Maka keton katawan je Aku toh TUHAN.

⁸Ewen dia baketep dengang-Ku; awi te, tanah te akan iawi-Ku jadi padang pasir. Aku, TUHAN Ije Pangkahai jari hamauh.”