Read Ngaju ESEKHIEL 16 Bible Online

ESEKHIEL 16 - Ngaju bible

ESEKHIEL 16

²“O anak olon, parahan akan Yerusalem kare gawi papa je jari iawie.”

³TUHAN Ije Pangkahai manyoho aku manyampai peteh toh akan Yerusalem, “O Yerusalem, ikau inakan intu tanah Kanaan. Bapam oloh Amori tuntang indum oloh Het.[23]

⁴Metoh ikau inakan jaton oloh je manggeto talin puserm, atawa mampandoi ikau, atawa mangasai ikau hapan uyah,[24] atawa mangahowut ikau hapan benang.

⁵Jaton oloh je masi dengam sampai nahuang malalus taloh te akam. Metoh ikau inakan, jaton oloh je sayang dengam, ikau inganan haream akan tana.

⁶Limbah te Aku mahalau tuntang mite ikau mandoi daha, tapi Aku dia manalua ikau matei.

⁷Aku manduan danum palus menyau daha bara bitim. Aku mohos upak bitim hapan undus saitun. Aku mampahai ikau sama kilau taloh imbul je bajewong. Ikau jeleng hai barigas tuntang bahalap ampim, hayak jadi ije biti oloh bawi tabela,[25] tusom nampara hai tuntang balaum panjang tapi ikau halowai. Metoh Aku mahalau tinai, gitangku je ikau jari sampai katikam tau hasinta. Aku mambirang jubah-Ku akan manutup bitim je halowai, tuntang Aku manjanji sintang-Ku dengam. Yoh, Aku bajanji kawin dengam, tuntang ikau jadi ayung-Ku. Aku, TUHAN Ije Pangakahai jari hakotak.

⁸

⁹

¹⁰Limbah te Aku mangkepan rok je basulam intu ikau, sapatu bara upak meto je pangkahaluse, peteng takolok bara benang lena tuntang jubah bara benang sutra.

¹¹Ihias-Ku ikau hapan batu permata, rantai tuntang galang.

¹²Inenga-Ku akam tisin urong, sowang tuntang makota je bahalap.

¹³Kalote ikau hapan pakaian kabungas iete amas tuntang perak; pakaiam inampa bara benang lena tuntang sutra basulam. Ikau tau kuman rote bara tepong gandom je pangkahalape, dengan mado tuntang undus saitun. Ikau paham kahalapm tuntang ikau jadi ratu.

¹⁴Uras bangsa manara kahalapm je tinduh te, tuntang Aku je mahias ikau. Aku, TUHAN Ije Pangkahai jari hakotak.

¹⁵Tapi ikau sala mahapan kahalap ampim tuntang kahalap aram. Ikau batiroh hinje dengan oloh hatue je kueh bewei je mahalau.[26]

¹⁶Belah pakaiam ihapam makaian eka manyembah hampatong dewam. Ikau jadi lontei tuntang manenga bitim akan genep oloh hatue.[27]

¹⁷Bara pakaian hias je bara amas tuntang perak je inenga-Ku akam, ikau manampa hampatong dewa oloh hatue, palus ikau habandong dengan hampatong dewa te.

¹⁸Ingkepam intu kare hampatong dewa te pakaian basulam je jari inenga-Ku akam. Iluputm akan ewen undus saitun tuntang garo je dinom bara Aku.

¹⁹Inenga-Ku akam panginan bara tepong gandom je pangkahalape, mado tuntang undus saitun je paling bahalap. Tapi urase te iluputm akan kare hampatong dewa te hapa manyanang atei ewen. Aku, TUHAN Ije Pangkahai jari hakotak.

²⁰Limbah te iluputm kare anak itah, hatue tuntang bawi, indu parapah akan kare hampatong dewa. En hindai sukup je ikau dia baketep dengang-Ku?

²¹En Aku manduan tinai kea kare anak-Ku tuntang mampatei ewen jadi parapah akan kare hampatong dewa te?

²²Huang pambelom ayum je eka kajilek iete jadi lontei te, isut mahin dia ikau mingate metoh ikau korik bihin, metoh ikau halowai tuntang mangaliat huang daham kabuat.”

²³TUHAN Ije Pangkahai hamauh, “Calaka ikau! Toto calaka! Ikau jari malalus kakare kapapa.

²⁴Tuntang tinai, intu alun-alun lewu tuntang intu saran genep jalan ikau mampendeng kare eka akan manyembah hampatong dewa tuntang malontei.

²⁵Ikau mamapa kahalapm. Bitim inengam akan genep oloh hatue je mahalau, tuntang dia tera-terai ikau habandong.

²⁶Misir, je hadarah dengam tuntang hai kipen kalunen intu ie, ikau batiroh omba ie. Ikau tantai malontei mangat mawi kasangit-Ku.

²⁷Toh Aku lius mahukum ikau tuntang manduan berkat je jari inenga-Ku akam. Inyarah-Ku ikau akan kare oloh Pilistin je basingi dengam tuntang je bajilek mite gawim je papa te.

²⁸Tapi ikau hindai kea ombet belaim; awi te ikau goa-goang dengan oloh Asur. Ikau jadi lontei ewen, tapi dia kea mandino kamangat bara ewen.

²⁹Palus ikau jadi lontei oloh Babel, bangsa oloh dagang te. Tapi ewen dia olih kea manenga kamangat akam.”

³⁰TUHAN Ije Pangakahai hamauh, “Uras taloh te jari ilalusm kilau lontei je dia kasene kahawen.[28]

³¹Intu alun-alun lewu tuntang intu genep jalan impendengm kare eka akan mayembah hampatong dewa tuntang malontei. Tapi ikau dia kilau lontei bahut je perlu duit.

³²Ikau sama kilau kabalin oloh je darhaka dengan banae tuntang habandong dengan oloh hatue beken.

³³Lontei harajur dinon upah, tapi toh tambalik awi ikau je manenga kare hadiah akan kare oloh je eka sintam. Ikau haream je mangatau ewen hapan duit mangat dumah bara hete-hete uka batiroh dengam.

³⁴Ikau lontei je beken bara je beken. Jaton je mamaksa ikau jadi lontei. Ikau dia iupah, ikau haream je mupah. Punae, ikau beken bara je beken.”

³⁵O Yerusalem, lontei, hining taloh je insanan TUHAN Ije Pangakahai, “Ikau jari mengkak bajum tuntang kilau lontei inyarahm bitim akan kare oloh je eka sintam tuntang akan kare hampatong dewa je bakajile-jilek te. Kare anakm impateim tuntang iluputm akan kare hampatong dewa te.

³⁶

³⁷Awi te, uras kare oloh je puji ikau sintae akan imumpong-Ku, aloh je ingilakm atawa je inyingim. Ewen akan mendeng mangaliling ikau tuntang akan mengkak uras pakaiam, sampai ewen tau mite bitim je halowai.

³⁸Ikau akan ihukum awi bandong tuntang pampatei je jari ilalusm te. Hong kasangit tuntang kalait-Ku ikau akan buah hukum matei.

³⁹Ikau akan inyarah-Ku akan kare oloh je eka sintam te, tuntang ewen akan manderep kare ekam malontei tuntang manyembah hampatong dewa. Uras pakaiam tuntang ramo hiasan ayum akan irampas awi ewen, sampai ikau halowai.

⁴⁰Ewen akan manyoho oloh are mamanting ikau hapan batu, tuntang manasang bitim hapan padang.

⁴¹Ewen akan mangehu kare humam tuntang manyoho kare oloh bawi mite ikau ihukum. Tumon te Aku akan mampaterai ikau habandong. Ikau dia akan mambagi hadiah akan kare oloh je eka sintam.

⁴²Harun limbah te kasangit-Ku akan tende, tuntang Aku akan jadi ranai haluli. Aku dia sangit tuntang dia ngabehu tinai.

⁴³Aku mahukum ikau awi ikau dia mingat kilen ampie Aku mahaga ikau metoh ikau tabela. Ikau mawi Aku sangit tagal kare gawim je papa te. Mbuhen uras gawim je papa te magon indahangm tinai dengan bandong? Aku, TUHAN Ije Pangkahai jari hakotak.”

⁴⁴TUHAN hamauh, “O Yerusalem, kare oloh akan mawi paribasa toh akam, ‘Sama kilau indue, kalote kea anake.’

⁴⁵Punae, ikau puna anak bawi ain indum. Ie basingi dengan banae tuntang dengan kare anake kabuat. Ikau sama-sama kilau kare paharim je basingi dengan banae tuntang kare anake kabuat. Ikau tuntang kare paharim, iete kare lewu je hakaliling aton indue iete oloh Het tuntang bapae oloh Amori.[29]

⁴⁶Kakam iete Samaria intu utara tuntang kare kamponge; tuntang andim iete Sodom intu salatan tuntang kakare kamponge.

⁴⁷En jari peda angat huangm omba gawin ewen je bakajile-jilek te? Hindai! Dia tahi tinai ikau labih darhaka haream bara ewen.

⁴⁸Tagal aku, Hatalla je belom, koan TUHAN Ije Pangkahai, paharim Sodom tuntang kare kamponge hindai puji kilau kapapam dengan kare kampong ayum.

⁴⁹Sodom dengan kare kamponge bajoho awi are taloh kinan tuntang tau belom mangat tuntang jaton karido kalahi. Tapi ewen dia mandohop oloh je belom susah tuntang oloh je asi-asi.

⁵⁰Ewen bajoho tuntang badungil, hayak mawi taloh je inyingi-Ku. Awi te ewen irusak-Ku kilau taloh je jari gitam.

⁵¹Samaria puna papa, tapi dosae dia sampai saparo bara kare dosam. Kare taloh gawim labih papa haream. Kare betaum kila-kilau dia aton kasalae amon inanding dengam. Ikau patut mangkeme mahamen tuntang asi-asi!”

⁵²

⁵³TUHAN hakotak dengan Yerusalem, “Sodom tuntang Samaria hayak dengan kare kampong ewen akan impasanang haluli awi-Ku. Limbah te harun Aku mampasanang ikau kea.

⁵⁴Kalote ikau akan mahamen dengan arepm kabuat, tuntang karandahm mamprahan akan kare paharim lalehan kahalape pambelom ewen.

⁵⁵Ewen tuntang kare kampong ewen akan haluli sanang tinai, kalote kea ikau tuntang kare kampongm.

⁵⁶En dia puji ikau manatawe Sodom metoh ikau magon bajoho tuntang kapapam hindai ingatawan?

⁵⁷Toh ikau sama ih dengae; ikau manatawe oloh Edom, oloh Pilistin tuntang kare oloh beken hadarah dengam tuntang je basingi dengam.

⁵⁸Ikau patut kapehe tagal gawim je papa te. Aku toh TUHAN jari hakotak.”

⁵⁹TUHAN Ije Pangkahai hamauh, “Ikau akan iawi-Ku tumon gawim, awi ikau jari mungkir dengan sumpahm. Ikau malanggar janjing-Ku dengam.

⁶⁰Tapi Aku akan mingat janji je jari iawi-Ku dengam metoh ikau tabela. Janji te dehen sampai katatahie.

⁶¹Ikau akan mingat kare gawim tuntang mahamen metoh kare paharim iliang-Ku akam. Ewen akan iawi-Ku sama kilau kare anakm, aloh jete jaton hong janjing-Ku dengam.

⁶²Aku akan manampa janji te taheta dengam. Maka ikau katawan je Aku toh TUHAN.

⁶³Aku akan mampun uras kare kasalam, tapi ikau akan dia olih mangalapeae tuntang ikau akan mangkeme mahamen manyewut taloh en bewei. Aku, TUHAN Ije Pangkahai jari hakotak.”