Read Ngaju ESEKHIEL 2 Bible Online

ESEKHIEL 2 - Ngaju bible

ESEKHIEL 2

¹koae, “O anak olon, mendeng. Aku nahuang hakotak dengam.”

²Metoh aku mahining auh te, Roh Hatalla tame akan bitingku, tuntang mampendeng aku. Limbah te hiningku tinai auh te hamauh,

³“O anak olon, ikau inyoho-Ku manalih kare oloh Israel je mambarontak malawan Aku. Ewen te mambarontak malawan Aku sama kilau tato hiang ewen kea.

⁴Ewen badungil tuntang dia mahormat Aku. Aku manyoho ikau manalih ewen uka manyampai auh-Ku, TUHAN Ije Pangkahai mansanan akan ewen.

⁵En ewen maku mahining atawa dia; je mambatang ewen musti katawan je marak ewen aton nabi.”

⁶Tapi ikau, o anak olon, ela mikeh dengan kare oloh je mambarontak malawan Aku, atawa dengan narai bewei je insanan awi ewen. Ewen akan malawan tuntang manawah ikau, sampai ikau mangkeme kilau belom marak kala. Aloh kalote ela mikeh.

⁷Nyampai uras peteh-Ku akan ewen, en ewen maku mahining atawa dia. Ingat je ewen te oloh je mambarontak malawan Aku.

⁸“O anak olon, seneh narai taloh je insanang-Ku akam. Ela ikau omba malapas arepm bara Aku. Nganga nyamam tuntang kinan taloh je inenga-Ku akam.”

⁹ Limbah te aku mite lenge je injuju akangku. Huang lenge te aton balon surat,

¹⁰je inyurat hasansila. Palus iukeie balon surat te tuntang intu hete tarasurat auh tatum, kamungoh tuntang tarahing.