Read Ngaju ESEKHIEL 27 Bible Online

ESEKHIEL 27 - Ngaju bible

ESEKHIEL 27

¹TUHAN Ije Pangkahai hamauh dengangku, “O anak olon, keleh manyanyi lagu mangubur toh akan Tirus, lewu saran tasik je badagang dengan kare oloh je melai hapus saran tasik; Tirus, dengan kajohom ikau hamauh, ‘Kahalap-Ku puna tinduh!’

⁴Akam tasik kilau huma. Ikau imangun kilau kapal je bungas.

⁵Didingm bara kayu aras bukit Hermon tihang layarm bara kayu alau bukit Libanon.

⁶Kare dayongm inampa bara batang kayu hai intu Basan. Palempangm inampa bara kayu alau pulau Siprus, palus inatah hapan gading barega.

⁷Layar tuntang tanda hapa mangasene bitim inampa bara benang lena, tampan oloh Misir, dengan are macam ampin sulame. Halus toto benang akan kare langkaum, je inampa bara benang ungu bara Siprus.

⁸Kare oloh ayum je tukang badayong bara lewu Sidon tuntang Arwad. Kare oloh ayum kabuat uras oloh je apik tuntang patuh bagawi hong tasik.

⁹Tukang kayu je bagawi hong kapal iete kare oloh je apik bagawi bara Gebal. Bara genep tanah kare kapal dumah handak badagang dengam.

¹⁰Kare tantara bara Persia, Lidia tuntang Libia tame jadi tantara ayum. Ewen mangkoak talawang tuntang tanggoi waja ain ewen intu kare dinding kotam. Ewen jari mandohop mampakalah kare musoh tuntang mandahang kahain aram.

¹¹Kare tantara bara Arwad bajaga hong dinding kotam; kare candim injaga awi oloh bara Gamad. Talawang ewen ingkoake rete-retei intu dinding kotam. Ewen te je mandahang ampin kahalapm.

¹²Ikau manjual ramon dagangm je are te akan Spanyol, tuntang akan bayare ikau manarima perak, sanaman, timah baputi tuntang timah babilem.

¹³Ikau badagang intu Yunani, intu Tubal, tuntang intu Mesekh, tuntang akan bayare inarimam bara ewen kare jipen tuntang kare ramo bara tambaga.

¹⁴Ikau manakiri kare ramom dengan kuda kareta, kuda inongkang tuntang kalidai bara Bet-Togarma.

¹⁵Oloh je melai intu Rodus[58] badagang kea dengam. Oloh je melai saran tasik mamili kare ramon dagangm dengan gading tuntang kayu babilem.

¹⁶Kare oloh dagang bara lewu Siria mamili kare ramon dagangm tuntang kare hasilm je are te. Ewen mambayar hapan batu permata iete batu jamrud, benang purpur, benang basulam, lena halus, ramo permata je inampa bara batu koral tuntang batu delima bahandang.

¹⁷Yuda tuntang Israel manakiri ramon dagangm dengan gandom, mado, undus saitun tuntang rarampah.[59]

¹⁸Oloh Damaskus mamili ramon dagangm tuntang kare hasilm tuntang mambayare hapan anggor bara Helbon, bulun tabiri bara Sahar, sanaman tuntang rarampah.[60]

²⁰Oloh Dedan mambayar kare ramom dengan kare benang akan pelana kuda.

²¹Oloh Arab tuntang je manguasa lewu Kedar mamili kare ramom dengan anak tabiri, tabiri hatue tuntang kambing.

²²Akan mamili kare ramom, kare oloh dagang bara Seba tuntang Raema mimbit kare ramon batu permata, amas tuntang rarampah je paling bahalap.

²³Kare lewu Haran, Kane, Eden, kare sadagar bara Seba, kare lewu Asur tuntang Kilmad, uras badagang dengam.

²⁴Ewen manjual akam pakaian je paling bahalap, benang purpur, benang basulam, sepsimpan ampin macam permadani, tuntang kare tali je dehen.

²⁵ Ramon dagangm imbit tuntu-tuntut hapan kare kapal je hai-hai. Ikau sama kilau ije kapal je babehat puate, kapal je balayar mahoroi tasik lombah.

²⁶Kare oloh je mandayonge mimbite akan bentok tasik. Ikau intakan awi riwut timor je mamok.

²⁷Uras ramon dagangm, uras oloh je bagawi hong kapalm, kare tukang kayu tuntang oloh dagangm, genep tantara intu hunjun kapal uras nihau leteng intu tasik katika kapalm kahem.

²⁸Kare oloh je bagawi hong kapalm mangkariak awi mikeh tangkariake hapengkau sampai saran pantai tasik.

²⁹Toh kapal te ilihi, tuntang genep oloh je bagawi hong kapal lompat akan hunjun petak.

³⁰Ewen manangis tahiu kajariam, manarahing tuntang manatum awi kapehen atei. Ewen manawor kawo hunjun takoloke, hayak manggaling arepe hunjun kawo tanda kapehe atei.

³¹Tagal ikau ewen manggundul takoloke, mahapan benang kampil kontep kapehen atei. Ewen manangis paham tuntang manatum kajarian pambelom ayum.

³²Balalu ewen manyanyi ije lagu mangubur, ‘Tirus, eweh tau inanding dengam? Tirus, intu tasik ikau katika toh suni.

³³Metoh ikau dimpah tasik, mimbit puat je sarat babehat, ikau manyukup kare taloh je imerlu kare bangsa; kare raja mahin impatatau awim.

³⁴Toh ikau jari leteng, hancor leteng intu palempang tasik. Uras kare oloh ayum hayak kare puat nihau hayak ikau hong bentok tasik.’

³⁵Genep bitin oloh je melai intu saran tasik hagenjeh mahining kajarian ayum. Kare rajan ewen kea paham mikeh; ampin ewen mangkarieng gitan intu ampin baun ewen.

³⁶Ikau lilap sampai katatahie. Kare oloh dagang hong hapus kalunen tarewen awi mikeh akan buah ampin kajarian taloh je kilau te.”