Read Ngaju ESEKHIEL 40 Bible Online

ESEKHIEL 40 - Ngaju bible

ESEKHIEL 40

¹Metoh te tanggal sapuluh bulan ije, intu nyelo kadue puluh lime nampara bara katika ikei melai eka tawanan, epat walas nyelo limbah Yerusalem impakalah, aku mangkeme kuasan TUHAN, palus Ie mimbit aku haguet.

² Intu ije paite, Hatalla mimbit aku akan tanah Israel tuntang mingkes aku intu hunjun bukit je gantong. Intu hila baungku aku mite ije taloh je ampin tampan lewu.

³ Aku iimbite akan hete tuntang gitangku ije biti oloh hatue je malinyau sama kilau tambaga mendeng tokep lawang. Ie mimbing tali ukur bara lena tuntang kayu hapa mukur.

⁴Oloh hatue te hamauh dengangku, “O anak olon, hining bua-buah tuntang ite kare taloh je imparahang-Ku akam, awi tagal jete ikau iimbit akan hetoh. Sanan akan bangsa Israel kare taloh je gitam.”

⁵ Palus aku mite Human TUHAN je indinding hakalilinge. Oloh hatue te manampara mukur dinding te hapan kayu ukur ayue je kapanjange telo meter.

⁶Limbah te ie haguet akan lawang je manaharep akan hila timor. Ie mandai lampate tuntang sana sampai intu hunjun, ie mukur lambang bauntonggang te, kabukae telo meter.

⁷Intu likut lawang te aton ije jalan tuntang intu gagenep balikate aton telo kamar jaga. Kakare kamar te sama kahaie; ampin pangue lapak epat, tuntang kapanjang gagenep lapake te telo meter. Kare dinding helat kamar sama kakapale ie te due satengah meter. Jalan huange te mamanjang telo meter tinai tuntang manintu akan kamar hai je manaharep Human TUHAN. Oloh hatue te mukur kamar hai te tuntang ampin kabukae epat meter; kamar hai te aton intu tapakan lawang je hila huang ie te je pangkatokepe dengan Human TUHAN. Kare dinding je hataharep dengan Human TUHAN, kakapale ije meter.

⁸

⁹

¹⁰

¹¹Limbah te oloh hatue te mukur kalombah jalan intu lawang; jahawen satengah meter kabukae, tuntang kea kalombah lawang te lime meter;

¹²intu hila baun kare kamar jaga je ukurae telo meter lapak epat te, aton dinding randah je satengah meter kagantonge tuntang kakapale satengah meter kea.

¹³Oloh hatue te mukur kakejau bara dinding likut ain kamar jaga sampai akan dinding likut ain kamar jaga je hila dipahe tinai, ie te 12,5 meter.

¹⁴Ie kea mukur kamar hai te: kapanjange sapuluh meter. Bauntonggang kamar te manintu akan parantaran luar Human TUHAN.[79]

¹⁵Kakejaue bara lawang hila luar sampai akan dinding kamar hai intu hila je manaharep Human TUHAN ie te 25 meter.

¹⁶Intu dinding likut tuntang dinding helat kare kamar te aton kare baunsengok korik. Kare dinding hila huang je manaharep akan jalan, ihias hapan kare ukir batang korma.

¹⁷Limbah te oloh hatue te mimbit aku mahalau lawang akan parantaran Human TUHAN. Intu balikat dinding luar intu hakaliling Human TUHAN te imangun 30 kamar. Intu baun kare kamar te aton laseh batu,

¹⁸je mangaliling hapus parantaran te. Parantaran luar te labih randah bara parantaran huang.

¹⁹Intu hete aton lawang beken je ekae labih gantong tuntang je manintu akan parantaran huange. Oloh hatue te mukur kakejau helat due lawang te: 50 meter.[80]

²⁰Limbah te oloh hatue te mukur lawang utara je manintu akan parantaran huang.

²¹Intu lawang te katatelo kamar jaga intu genep saran jalae, kare dinding helate hayak kare kamare sama kahaie, uras sama ukurae dengan je aton intu lawang hila timor. Hapus jalan lawang te kapanjange 25 meter tuntang kabukae due walas satengah meter.

²²Kalote kea kamar haie, kare baunsengoke, tuntang kare ukir batang kormae sama dengan je aton intu lawang timor. Aton uju kalampat tangga manintu lawang te, tuntang intu tapakae aton kamar hai je manaharep akan parantaran luar Human TUHAN.

²³Hataharep dengan lawang utara, aton lawang beken je manintu akan parantaran huang, sama kilau je aton intu silan lawang hila timor. Oloh te mukur helat due lawang te: 50 meter.

²⁴Limbah te oloh hatue te mimbit aku akan lawang salatan tuntang mukure. Ampie lawang te sama kilau lawang je beken.

²⁵Kare baunsengok intu kamare sama dengan je aton intu kare lawang je beken. Panjang jalan lawang te 25 meter, tuntang kabukae 12,5 meter.

²⁶Aton uju kalampat tangga kea je manintu akan lawang te, tuntang kamar haie kea aton intu tapakae, manaharep akan parantaran luar Human TUHAN. Kare dinding je hila huang je manaharep akan jalan, ihias hapan kare ukir batang korma.

²⁷Intu hete aton kea lawang je manintu akan parantaran huang. Oloh hatue te mukur helat due lawang te: 50 meter.

²⁸Limbah te oloh hatue te mimbit aku mahalau lawang salatan tame akan parantaran huang. Ie mukur lawang salatan te, tuntang ukurae sama dengan kare lawang silan hila luar.

²⁹Kare kamar jagae, kamar haie, tuntang kare kamar huange sama dengan je aton intu kare lawang beken. Kare kamar intu lawang jetoh kea aton kare baunsengok. Jalan lawang te kapanjange 25 meter tuntang kabukae 12,5 meter.

³⁰

³¹Tapi kamar haie manaharep kamar luar. Kare dinding hila huang je manaharep akan jalan, ihias kea hapan kare ukir batang korma. Aton hanya kalampat tangga je manintu lawang te.

³²Limbah te oloh hatue te mimbit aku mahalau lawang timor tame akan parantaran huang. Ie mukur lawang te tuntang ukurae sama dengan kare lawang je beken.

³³Kare kamar jaga, kare dinding huange tuntang kamar haie, ukurae sama dengan je aton intu kare lawang beken. Intu kare kamar te tuntang kamar haie aton kare baunsengok. Panjang jalan lawang te 25 meter tuntang kabukae 12,5 meter.

³⁴Kamar haie manaharep akan parantaran luar. Kare dinding hila huange je manaharep jalan, ihias hapan kare ukir batang korma. Tinai aton hanya kalampat tangga manintu lawang te.

³⁵Kajariae oloh hatue te mimbit aku akan lawang utara. Ie mukur lawang te tuntang ukurae sama dengan lawang ije beken.

³⁶Kalote kea kare kamar jagae, dinding hila huange tuntang kamar haie dengan je aton intu kare lawang je beken. Intu kare kamare tuntang intu kamar haie aton kare baunsengok. Kapanjang jalan lawang te 25 meter tuntang kabukae 12,5 meter.

³⁷Ruang hila baun[81] manaharep parantaran luar. Dinding hila huang je manaharep jalan, ihias hapan ukir batang korma. Hanya kalampat tangga manintu akan lawang te.

³⁸Intu parantaran luar aton ije kamar pandahang intu lawang hila utara. Bara kamar pandahang te aton ije bauntonggang je manintu kamar hai. Intu hete ienyau kare meto akan parapah je ingehu.

³⁹Intu kamar hai te aton epat meja, due intu genep sarae. Intu hunjun kare meja te inyambalih kare meto akan parapah je ingehu, parapah ampun dosa atawa parapah panewus kasalan.

⁴⁰Intu kamar hai te aton tinai epat meja, due intu genep saran lawang utara te.

⁴¹Jadi, samandiai aton hanya meja eka manyambalih parapah: epat intu huang, tuntang epat intu luar parantaran.

⁴²Epa-epat meja intu kamar pandahang je ihapan akan manyadia parapah je ingehu imahat bara batu. Meja te kamboe satengah meter, tuntang hila hunjue sagi epat, kapanjang tuntang kabukae, uras telo per epat meter. Intu hunjun kare meja te iandak pakakas hapa manyambalih meto je akan parapah.

⁴³Tapi kare meja te aton papar saran kabukae 75 milimeter. Uras isin meto je handak iluput akan parapah ingkes intu hunjun kare meja te.

⁴⁴Limbah te oloh hatue te mimbit aku akan parantaran huang. Intu hete aton due kamar hai, ije hong balikat lawang utara manaharep akan salatan,[82] tuntang kamar ije tinai hong balikat lawang hila salatan.

⁴⁵Oloh hatue te hamauh dengangku tahiu kamar hai je manaharep akan hila salatan te inyadia akan kare imam je bagawi intu Human TUHAN,

⁴⁶tinai kamar hai je manaharep utara inyadia akan kare imam je bagawi hong mesbeh. Uras imam te bara turonan Sadok je tau manaharep TUHAN bagawi akae hong sombayang.

⁴⁷Oloh hatue te mukur parantaran huang. Pangue sagi epat: kapanjang tuntang kabukae sama-sama 50 meter. Human TUHAN te aton intu silan hila barat, tuntang intu hila baue aton ije mesbeh.

⁴⁸Limbah te ie mimbit aku akan kamar baun Human TUHAN mandai mahalau pire-pire lampat tangga. Ie mukur kamar jalan tame; kalombahe uju kali due satengah meter, dengan kare dinding intu kadadue sarae kakapale ije satengah meter.[83] Intu sambil gantaue aton ije jihi. Kamar baun te kabuat kapanjange sapuluh meter tuntang kabukae jahawen meter.