Read Ngaju DANIEL 12 Bible Online

DANIEL 12 - Ngaju bible

DANIEL 12

¹ Malekat habaju lena te hamauh tinai, “Metoh te akan lembut malekat hai Mikhael eka kalindong bangsa ayum. Limbah te akan aton wayah kapehe je jaton aton tandinge bara katika kare bangsa aton. Tapi uras oloh bangsa ayum je are tarasurat huang buku ain Hatalla, akan inyalamat.

² Are bara marak ewen je jari matei akan belom haluli; belahe akan mangkeme pambelome je katatahie, tuntang belahe tinai akan mangkeme kahawen jetoh tuntang kajilek je katatahie kea.

³Kare pamimpin je pintar harati akan mamancar kilau kalawan langit. Tuntang ewen je jari majar are oloh akan malalus taloh je bahalap tuntang adil, akan mamancar kilau kare bintang sampai katatahie.”

⁴ Palus koan malekat te tinai dengangku, “Daniel, nutup buku te metoh toh, tuntang paleket segel uka tetep tatutup sampai kahapus jaman. Are oloh akan manantuani narai je kanjerae manjadi. Tapi gawin ewen te akan hayang bewei.”

⁵Limbah te gitangku due biti oloh hatue. Je ije mendeng intu saran Sungei hila hetoh, tuntang je beken intu saran Sungei hila kanih.

⁶Je ije misek dengan je mendeng labih tokep dengan hulu Sungei, “Hamparea kare taloh heran toh akan lepah?”

⁷ Oloh je mendeng te mandepe due lengee akan langit. Hiningku ie sumpah tagal Hatalla je katatahie tuntang hamauh, “Kare taloh te akan manjadi katahin telo satengah nyelo limbah gawi mahenyek ungkup Hatalla hapus, palus kare taloh je heran te hapus kea.”

⁸Uras je insanae te puna hiningku, tapi aku dia haratie. Palus aku misek, “Tuan, kilen ampie taloh handiai toh akan hapus?”

⁹Ie tombah, “Haguet toh kea, Daniel, awi kare auh toh musti inyahokan tuntang jadi taloh basilim sampai kahapus jaman.

¹⁰ Are oloh akan iuji tuntang imparasih. Ewen je papa dia akan harati tuntang tetep mawi kapapa; bangsa ewen je pintar harati akan haratie.

¹¹ Bara katika parapah sining andau te impatende tuntang taloh kajilek je inyewot Kapapa je mambinasa[25] itu te impendeng aton 1.290 andau.

¹²Salamat ewen je tetep baketep sampai andau ka 1.335.

¹³Ikau Daniel, keleh baketep sampai kahapus. Ikau akan matei, tapi akan misik akan manarima upahm intu kahapus jaman.”