Read Ngaju HOSEA 13 Bible Online

HOSEA 13 - Ngaju bible

HOSEA 13

¹Bihin suku Epraim ihormat, sampai amon aton parentah bara suku te, kare suku beken intu Israel mikeh. Tapi suku Epraim badosa awi manyembah Baal, awi te ie akan nihau.

²Sampai toh kare oloh Epraim te magon mawi dosa. Ewen mawi kare hampatong perak akan inyembah. Hampatong te irencana awi tirok olon tuntang inampa awi lengen olon. Ewen hamauh, “Keleh maluput parapah akan kare hampatong toh!” Mia-mias, olon manyium hampatong anak sapi.

³Awi te oloh te akan lilap sama kilau asep atawa ambon hanjewu. Ewen kareh kilau kawon apis parei je inantawus riwut intu karayan gandom, tuntang sama kilau asep je balua bara carobong.

⁴TUHAN hamauh, “Aku TUHAN Hatallam je mimbit ikau balua bara Misir. Ikau jaton tempon Hatalla je beken bara Aku. Aku bewei tunggal panyalamat ayum.

⁵ Intu petak keang hong padang pasir, Aku bewei je manjaga ikau.

⁶Tapi sana ikau aton intu lewu je bahalap, tuntang ikau besoh hayak peda belaim, ikau bajoho balalu mangalapean Aku.

⁷Awi te aku akan manangkarap ikau sama kilau singa. Sama kilau haramaung Aku kareh mimpa ikau intu jalan.

⁸Aku akan manyarang ikau sama kilau bahuang je nihau kare anake. Aku akan mamisak-minit ikau. Sama kilau singa aku akan manangkarap ikau intu ekam, tuntang kilau meto basiak aku akan mamisak-minit ikau.

⁹Aku akan mamparotek ikau, o bangsa Israel! Tuntang eweh je tau mawat ikau?

¹⁰ Ikau balaku raja tuntang pamimpin, tapi intu kueh ewen te urase metoh toh? En tau ewen manyalamat rayat ayum?

¹¹ Hayak kasangit-Ku Aku manenga raja akam, tuntang dengan kalait induang-Ku ewen haluli.”

¹²TUHAN hamauh! “Dosa tuntang kasalan Israel jari incatet, tuntang catetae iingkes.

¹³Israel inenga katika uka belom, tapi ie paham humong sampai dia mangguna katika te. Ie kilau awau je hanjulo hindai inakan, tapi dia handak balua bara kanain indue.

¹⁴ Bangsa toh dia akan inyalamat awi-Ku bara kuasan lewun oloh matei. O pampatei nawor peresm! Lalus gawim je mambinasa te! Aku dia masi bangsa toh tinai.

¹⁵Aloh Israel dia bara katapas sama kilau oru je bajewong, tapi Aku akan mangirim riwut timor je balasot bara padang pasir. Riwut te akan mampateah kare tahasak danum tuntang kare kalin danum, sampai nihau uras taloh je barega.