Read Ngaju HOSEA 14 Bible Online

HOSEA 14 - Ngaju bible

HOSEA 14

¹Samaria musti ihukum awi malekak arepe bara Aku balalu malawan Aku. Rayat ayue akan matei huang parang; kare anak sawae kareh ilitek, tuntang kare oloh bawi je batihi inyila kanaie.”

²Keleh haluli manempo TUHAN, Hatallam, o bangsa Israel! Dosam jari mawi ikau tanggarisang tuntang lawu.

³Keleh haluli manempo TUHAN tuntang keleh manyampai lakudoa toh kilau parapahm Akae, “TUHAN, ampun uras kare dosan ikei, tuntang tarima lakudoan ikei toh, palus ikei manara Ikau sama kilau je jari injanji awi ikei.

⁴Asur dia olih manyalamat ikei, tuntang kuda parang dia olih mandohop ikei. Ikei dia hamauh tinai dengan kare hampatong tampan lengen ikei kabuat je ewen te hatallan ikei. O TUHAN, ikau masi kare oloh je dia tempon ewe-eweh je tau iharap ewen.”

⁵TUHAN hamauh, “Ungkup-Ku je mahiwang, induang-Ku haluli tuntang inyinta-Ku dengan salepah atei; ewen dia ilait-Ku tinai.

⁶Akan oloh Israel aku sama kilau ujan je mambisa petak keang. Ewen akan mangambang sama kilau kambang tuntang sama kilau batang kayu alau je handalem uhate.

⁷Ewen akan belom tuntang mandahang sama kilau taloh imbul je manyalundik intu hete-hete, sama kilau batang saitun kahalape mangat ewaue sama kilau batang kayu alau!

⁸Ewen akan haluli manempo Aku tuntang melai intu kalindong aing-Ku. Bajeleng ewen sasar sanang, sama kilau gandom je belom intu kare tana bajewong tuntang sama kilau kabon anggor. Sama kilau anggor Libanon aran ewen basewut.

⁹Oloh Israel akan manganan kare hampatong dewae; ewen ihaga-Ku tuntang lakudoae inarima awi-Ku. Sama kilau batang je harajur are dawee, Aku akan manganjungen ewen. Aku upon uras berkat akan ewen. Aku, TUHAN, jari hakotak.”

¹⁰Keleh uras oloh je pintar harati tau maharati taloh je inyurat intu hetoh, tuntang manumoe. Kare auh bara TUHAN puna toto, tuntang oloh je belom barasih manumon auh te. Tapi oloh badosa mangalapeae sampai tanggarisang tuntang lawu.