Read Ngaju YONA 2 Bible Online

YONA 2 - Ngaju bible

YONA 2

¹Bara huang kanain lauk te, Yona balakudoa intu TUHAN, Hatallan ayue. Koae,

²“O TUHAN, huang kasusahku aku mantehau Ikau tuntang Ikau tombah auhku. Bara eka kare liau aku balaku awat, palakungku ihiningm tuntang inarimam.

³Akan eka je handalem Ikau manjakah aku, sampai akan palempang tasik. Intu hete dehes danum mangaliling aku riak tuntang galombang mahampas aku.

⁴Huang ateiku aku hamauh: TUHAN jari maharak aku toh bara taharep Aie. Aku kareh dia mite tinai human Ayue ije barasih.

⁵Danum tasik mandai sampai akan biwihku, tasik lombah mangalukop hapus bitingku, orun tasik mangangkulut takolokku.

⁶Aku sasar leteng sampai akan penda bukit akan lewu ije bauntonggange ihuit sampai katatahie.[4] Katika tahasengku sasar jarang huang bitingku, aku mingat tuntang mantehau Ikau. Palus lakudoangku sampai Ikau, akan huang Human Ayum je barasih. Palus Ikau mampadai aku bara huang tasik, o TUHAN, Hatallangku!

⁸Kakare oloh ije manyembah dewa je hayang, malihi Ikau tuntang dia tinai baketep.

⁹Tapi aku kareh manyanyi tara akan TUHAN tuntang maluput parapah Akam. Kakare janjingku kareh ilalusku. Ikau TUHAN je manyalamat.”

¹⁰Limbah te dengan parentah TUHAN, lauk te malua Yona bara nyamae akan hunjun petak.