Read Ngaju NUMERI 1 Bible Online

NUMERI 1 - Ngaju bible

NUMERI 1

¹Intu tanggal ije bulan due hong nyelo kadue limbah bangsa Israel malihi tanah Misir, TUHAN hamauh dengan Moses intu huang Kemah TUHAN hong Bukit Sinai. Ie hamauh,

²“Ikau tuntang Aron musti mawi sensus hapus ungkup Israel, manumon jalahan tuntang keluarga ain keton kabuat-kabuat. Tampa daptar aran kakare oloh hatue

³je umure due puluh nyelo kahunjun je olih jadi tentara. Ewen musti indaptar manumon genep pasukae.

⁴Bara genep suku, laku ije biti pamimpin jalahan mangat mandohop ikau.”

⁵Jetoh aran oloh je intih bara ungkup akan mandohop Moses tuntang Aron, tuntang je jadi pamimpin akan genep suku, iete: [SUKU] — [PAMIMPIN] Ruben — Elisur anak Sedeur Simeon — Selumiel anak Surisadai Yuda — Nahason anak Aminadab Isaskhar — Netaneel anak Suar Sebulon — Eliab anak Helon Epraim — Elisama anak Amihud Manase — Gamaliel anak Pedasur Benyamin — Abidan anak Gideoni Dan — Ahieser anak Amisadai Aser — Pagiel anak Okran Gad — Elyasap anak Rehuel Naptali — Ahira anak Enan

¹⁷Dengan pandohop duewalas oloh te, Moses tuntang Aron

¹⁸manyoho hapus ungkup hapumpong intu tanggal ije bulan due. Palus rinting ewen te inyusun manumon kare jalahan je aton huang genep bitin ewen. Aran kakare oloh hatue je umure due puluh nyelo kahunjun incatet tuntang iise,

¹⁹sama kilau je irentah TUHAN. Kakare taloh te ilalus awi Moses intu Bukit Sinai.

²⁰ Kare oloh hatue je umure due puluh nyelo akan hunjun je olih jadi tentara, indaptar arae manumon jalahan tuntang keluargae, nampara bara Ruben, anak bakas Yakob sampai Naptali. Kare bitin ewen iete: [SUKU] — [KARE BITIE] Ruben — 46.500 Simeon — 59.300 Gad — 45.650 Yuda — 74.600 Isaskhar — 54.400 Sebulon — 57.400 Epraim — 40.500 Manase — 32.200 Benyamin — 35.400 Dan — 62.700 Aser — 41.500 Naptali — 53.400 Samandiaie — 603.550

⁴⁷Kare oloh Lewi dia indaptar haya-hayak dengan kare suku beken,

⁴⁸karana TUHAN jari hakotak dengan Moses,

⁴⁹“Hong katika ikau mancatet kare aran oloh je olih jadi tentara, suku Lewi dia usah incatet.

⁵⁰Soho ewen maharago Kemah-Ku tuntang kakare pakakase. Gawin ewen iete meton Kemah-Ku dengan pakakase hayak maharagoe. Ewen musti bakemah mangalilinge.

⁵¹Amon keton bindah, kare oloh Lewi te musti mungkar Kemah-Ku, palus mangkepae haluli intu genep eka mampendeng kemah je taheta. Beken bara ewen te, eweh bewei je manokep Kemah te musti ihukum matei.

⁵²Kare oloh Israel je mampendeng kemah musti mampendeng kemah ewen habaris-habaris. Genep biti intu genep barise mangaliling banderan aie kabuat-kabuat.

⁵³Tapi kare oloh Lewi musti mampendeng kemah ewen hakaliling Kemah-Ku. Ewen musti manjagae mangat jaton ije biti oloh je manokepe, je mawi Aku balait tuntang mahukum ungkup Israel.”

⁵⁴Maka oloh Israel malalus kare taloh je irentah TUHAN akan Moses.