Read Ngaju NUMERI 31 Bible Online

NUMERI 31 - Ngaju bible

NUMERI 31

²“Keleh mambaleh mawi oloh Midian tagal taloh je jari iawi ewen dengan bangsa Israel. Limbah te ikau matei.”

³Palus Moses hamauh dengan bangsa Israel, “Tata-tatap akan parang; keton musti manyarang oloh Midian akan malalus hukuman akan ewen.

⁴Bara genep suku bara bangsa Israel, keton musti manatap sakoyan biti tentara uka miar akan parang.”

⁵Palus intih sakoyan biti bara genep suku Israel, samandiaie aton duewalas koyan biti je tatap parang.

⁶Moses manyoho ewen parang haya-hayak dengan Pinehas anak Imam Eleasar. Pinehas mimbit kare ramo barasih tuntang kare tarompet hapa manenga kare tanda.

⁷Tumon parentah TUHAN akan Moses, oloh Israel manyarang oloh Midian tuntang mampatei kakare oloh hatuee,

⁸tatame lime raja Midian, iete, Ewi, Rekem, Sur, Hur tuntang Reba. Bileam anak Beor impatei kea.

⁹Kare oloh Israel manawan kare oloh bawi tuntang kare anak oloh Midian jadi tawanan. Ewen marampas kare meto dengan kare panatau ewen.

¹⁰Kare lewu tuntang kare kemah ewen inusul.

¹¹Limbah te kare oloh Israel manduan kare hasil rampasan te, tatame kare oloh tawanan tuntang meto.

¹²Ewen mimbite akan Moses tuntang Imam Eleasar tuntang akan hapus ungkup Israel. Metoh te ewen kanjerae mampendeng kemah intu petak rampar Moab, intu saran Sungei Yordan, tokep lewu Yerikho.

¹³Palus Moses, Imam Eleasar tuntang hapus pamimpin ungkup Israel je beken balua bara kemah uka manambang tentara Israel.

¹⁴Moses malait kare pangkalima, tuntang kare kapala pasukan je harue buli bara parang.

¹⁵Koae dengan ewen, “Mbuhen keton manalua kare oloh bawi te belom?

¹⁶ En dia kare oloh bawi te je manumon tirok Bileam, sampai mangatau ungkup Israel intu Peor uka malihi TUHAN? Jete je mampadumah calaka akan ungkup TUHAN!

¹⁷Toh patei genep anak hatue tuntang genep oloh bawi je dia bujang tinai.

¹⁸Tapi uras oloh bawi je magon bujang tau induan akan keton.

¹⁹Tinai uras keton je jari mampatei oloh atawa manigong hantu musti melai intu luar watas kare kemah katahin uju andau. Intu andau je katelo tuntang kauju keton tuntang uras oloh bawi je inawan keton musti mawi upacara mamparasih arepe.

²⁰Gagenep tetek pakaian tuntang en bewei je bara upak meto, bulun kambing atawa kayu, musti kea imparasih.”

²¹Limbah te Imam Eleasar hamauh dengan kare oloh je harue haluli bara parang te, “Jetoh kare atoran je inenga TUHAN akan Moses.

²²Kare taloh je tahan apui, kilau amas, perak, tambaga, sanaman, timah baputi tuntang timah babilem, musti imparasih dengan mandadahe intu apui. Limbah te kare ramo te musti imparasih kea dengan danum upacara uka mamparasihe.

²³

²⁴Intu andau je kauju keton musti mampukan pakaian keton, harue keton dia papa tinai, tuntang tau tame akan eka kare kemah.”

²⁵TUHAN hamauh dengan Moses,

²⁶“Ikau tuntang Imam Eleasar haya-hayak dengan pamimpin beken bara ungkup Israel, musti mise kakare hasil rampasan, tatame kea kare oloh je inawan, tuntang meto.

²⁷Hasil rampasan te musti keton mambagie bagi due sama karee; belahe akan kare tentara je jari haguet parang, tuntang belahe tinai akan ungkup je tisae.

²⁸Akan panenga je ingabeken tantai akang-Ku, TUHAN, bara bagin kare tentara te musti induan ije bara genep lime ratus aloh bara kare oloh tawanan, atawa bara sapi, kalidai, tabiri tuntang kambing.

²⁹Nyarah jete akan Imam Eleasar kilau parapah je ingabeken tantai akang-Ku, TUHAN.

³⁰Bara bagi je inenga akan ungkup Israel, musti induan ije bara genep limepuluh, aloh bara kare oloh tawanan, atawa bara sapi, kalidai, tabiri tuntang kambing. Keleh sarah kare taloh handiai te akan oloh Lewi je maurus Kemah-Ku.”

³¹Moses tuntang Imam Eleasar malalus kilau je irentah TUHAN.

³²Beken bara je jari induan bara tentara akan ewen kabuat, hasil rampasan te karee aton: 675.000 kongan tabiri tuntang kambing, 72.000 kongan sapi, 61.000 kongan kalidai tuntang 32.000 biti oloh bawi bujang.

³³

³⁴

³⁵

³⁶Satengah bara kare te inenga akan kare tentara imbagi kalotoh: 337.500 kongan tabiri tuntang kambing, tuntang bara jumlah te 675 kongan akan panenga je ingabeken tantai akan TUHAN; 36.000 kongan sapi, 72 kongan panenga je ingabeken tantai akan TUHAN; 30.500 kongan kalidai, 61 kongan indu panenga je ingabeken tantai akan TUHAN; 16.000 oloh bawi bujang, 32 biti indu panenga je ingabeken tantai akan TUHAN.

³⁷

³⁸

³⁹

⁴⁰

⁴¹Palus Moses manyarah panenga je ingabeken te akan Imam Eleasar mangat iluput akan TUHAN, kilau je irentah TUHAN.

⁴²Bagin rayat sama karee dengan karee dengan bagi je akan tentara: 337.500 kongan tabiri tuntang kambing, 36.000 kongan sapi, 30.500 kalidai, tuntang 16.000 biti oloh bawi bujang.

⁴³

⁴⁴

⁴⁵

⁴⁶

⁴⁷Kilau je irentah TUHAN, Moses manduan bara genep 50 tawanan tuntang meto, palus manjulok akan kare oloh Lewi je bagawi intu Kemah TUHAN.

⁴⁸Limbah te harue pangkalima je jari mamimpin tentara Israel, manaharep Moses tuntang mansanan,

⁴⁹“Tuan ikei jari mise kare tentara penda ikei. Ampie jumlah ewen sukup, jaton ije je nihau.

⁵⁰Awi te ikei mimbit kare hiasan amas, galang lenge, galang pai, tisin, bunel tuntang rantai je jari induan awi genep biti. Uras toh inyarah ikei akan TUHAN kilau parapah ikei.”

⁵¹Palus Moses tuntang Imam Eleasar manarima amas te, urase bara ramo hiasan.

⁵²Parapah kare pangkalima te ehate bilak due ratus kilogram.

⁵³Tapi kare tentarae te jari manduan hasil rampasan te akan arepe kabuat.

⁵⁴Palus Moses tuntang Imam Eleasar mimbit amas te akan Kemah TUHAN mangat TUHAN mangalindong bangsa Israel.