Read Ngaju NUMERI 35 Bible Online

NUMERI 35 - Ngaju bible

NUMERI 35

¹ Intu petak rampar Moab, hong saran Sungei Yordan, tokep lewu Yerikho, TUHAN hamauh dengan Moses,

²“Nyampai akan bangsa Israel iete bara tanah pusaka je kareh inarima ewen te, pire-pire lewue dengan padang oru je hakalilinge musti inenga ewen akan oloh Lewi mangat ewen tau melai intu hete.

³Kare lewu te jadi ayun oloh Lewi akan eka ewen melai. Padang oru hakalilinge iete akan meto ain ewen.

⁴Padang oru te kabukae 450 meter, iukur bara dinding lewu akan hila kaliling lewu.

⁵Jadi lewun oloh Lewi ampie lapak epat, kapanjang genep watase 900 meter, dengan lewue intu bentoke.

⁶Akan lewun oloh Lewi musti keton manenga jahawen lewu eka kalindong kilau eka hadari akan kare oloh je dia tantai ihat jari mampatei oloh beken. Beken bara te akan oloh Lewi musti inenga kea epat puluh due lewu je beken.

⁷dengan padang oru. Jadi samandiaie aton 48 lewu akan oloh Lewi.

⁸Kare lewun oloh Lewi intu genep suku Israel musti inukas manumon kare lewue tuntang kahain tanahe.”

⁹ TUHAN manyoho Moses

¹⁰manyampai akan bangsa Israel kare auh toh, “Limbah keton dimpah Sungei Yordan tuntang tame akan lewu Kanaan,

¹¹keton musti manukas kare lewu eka kalindong, mangat kare oloh je dia tantai ihat jari mampatei oloh beken, tau hadari akan hete.

¹²Intu kare lewu te oloh te kareh ingalindong bara kare tundah paharin oloh je impateie je handak mambaleh. Basa oloh je indawa mampatei oloh beken, dia tau impatei awi pakarae hindai iriksa intu eka basara.

¹³Keleh manukas jahawen lewu eka kalindong,

¹⁴telo intu hila timor Sungei Yordan tuntang telo tinai intu tanah Kanaan.

¹⁵Jahawen lewu te jadi lewu eka kalindong akan keton, oloh Israel, tuntang akan oloh bangsa beken atawa oloh asing je melai manetep intu bentok keton. Eweh bewei je jari mampatei oloh beken awi dia tantai ihat, tau mandari arepe akan ije bara kare lewu te.

¹⁶Tapi amon ije biti oloh mahapan sanjata sanaman atawa batu, atawa kayu akan mampatei oloh beken, oloh te pamuno. Ie mawi kasalan tuntang musti ihukum matei.

¹⁹Tundah paharie je tokep ain oloh je buah patei te tau malalus hukum matei te. Amon ie sondau oloh pamuno te, ie tau mampateie.”

²⁰Amon ije biti oloh manyingi oloh beken, palus mampateie hapan cara mahampase atawa mamantinge ie hapan narai bewei,

²¹atawa mawi ie hapan tampar, oloh te pamuno; ie mawi kasalan tuntang musti ihukum matei. Tundah paharie je paling tokep dengan oloh je buah patei te tau malalus hukum matei te. Amon ie sondau pamuno te ie tau mampateie.

²²Tapi tau kea ije biti oloh dia tantai ihat mampatei oloh beken je dia inyingie, en te hapan cara mahampas oloh te, atawa mamedak ie hapan narai bewei.

²³Atawa tau kea ije biti oloh awi dia tantai ihat mampanjato ije batu je mawi oloh beken te matei je puna dia musohe, tuntang ie puna dia aton kahandake mawi calaka akan oloh te.

²⁴Huang kare pakara macam te rapat ungkup musti mamutus pakaran oloh je jari mampatei, dengan oloh je handak mambaleh mampatei oloh je buah patei.

²⁵Rapat ungkup musti mangalindong oloh je jari mampatei awi dia tantai ihat bara ancaman tundah paharin oloh je matei. Oloh te musti imbit haluli akan lewu kalindong, akae mandari arepe. Ie musti melai intu hete sampai oloh je metoh te jadi Imam Hai jari matei; haru limbah te ie tau akan eka asale. Tapi amon ie malihi lewu kalindong akae mandari arep, palus inyondau tuntang impatei awi tundah paharin oloh je buah patei, maka gawi pambaleh te dia iitong kilau gawi mampatei.

²⁹Kare atoran toh buah keton tuntang turonan keton, hong kueh bewei keton melai.

³⁰ Huang pakara mampatei, oloh je indawa kilau pamuno, baya tau inyewut sala tuntang ihukum matei amon gawi te jari olih imbukti awi due biti saksi atawa labih. Ije biti saksi dia sukop akan mambukti je auh dawa te bujur.

³¹Ije biti pamuno musti ihukum matei. Ie dia tau manewus hukum te dengan duit.

³²Amon ije biti oloh mandari arepe akan ije bara kare lewu eka kalindong, ela manalua ie tau manenga duit sampai ie tau buli akan humae helo bara Imam Hai matei.

³³Amon keton mawi taloh kalote, keton mamapa petak je ielai keton. Gawi mampatei mamapa lewu: awi te jaton cara beken uka mamparasih lewu te beken bara mampatei pamuno.

³⁴Ela mamapa petak je ielai keton, awi Aku TUHAN, tuntang Aku melai intu bentok bangsa Israel.