Read Ngaju MIKHA 4 Bible Online

MIKHA 4 - Ngaju bible

MIKHA 4

¹Intu kare andau je inaharep, bukit, eka Human TUHAN, kareh mendeng dehen tuntang gantong malabien bara kare bukit gantong tuntang kare bukit. Uras kare bangsa baraboho akan hete

²ewen uras kareh hamauh, “Ayo itah mandai akan bukit TUHAN[2] akan Human Hatalla ain oloh Israel! Ie majar itah taloh je kareh akan ilalus itah. Itah kareh manuntut jalan Aie awi auh ajarTUHAN dumah bara Yerusalem; bara Sion Ie hakotak dengan ungkup Ayue.”

³ TUHAN kareh mamutus pakara marak kare bangsa, marak kare karajaan je abas, je kejau atawa tokep. Ewen kareh maninih kare padang ewen jadi luku, tuntang kare lunju ain ewen jadi taja. Kare bangsa dia tinai mayarang, dia kea tatap tolak parang.

⁴ Genep oloh kareh belom sanang intu bentok kabon anggor tuntang kabon ara ayue; jaton je kareh mampike-pikeh ie, jete janjin TUHAN Je Jaton Tikas Kuasae.

⁵Genep bangsa hong hunjun petak manyembah tuntang manumon auh dewae kabuat. Tapi itah manumon auh TUHAN, Hatallan itah tuntang manyembah Ie palus katatahie.

⁶TUHAN hamauh, “Kareh dumah katikae Aku mamumpong kakare oloh je ihukum-Ku, iete ewen je kapehe hong eka tawanan.

⁷Ewen jari impakalah tuntang kejau bara lewu asal. Tapi, bara kare oloh je batisa te aku kareh manampara ije turonan je taheta. Ewen kareh jadi bangsa je hai tuntang abas. Aku kareh marentah ewen intu bukit Sion palus katatahie.”

⁸Tuntang ikau, Yerusalem, eka Hatalla manjaga ungkup Ayue sama kilau sakatik manjaga kawan tabirie, ikau kareh haluli manjadi lewu eka raja marentah sama kilau solake.

⁹Mbuhen ikau manangis mangkariak? Mbuhen ikau kapehe sama kilau oloh bawi je handak luas? En awi ikau dia aton bara raja, tuntang kare panasehat ayum jari matei?

¹⁰O oloh Yerusalem, keton kareh mangaliat tuntang manarahing sama kilau oloh bawi je kanjerae luas! Awi, toh ikau patut malihi lewu tuntang melai intu parak kayu. Ikau musti haguet akan Babel, tapi intu hete TUHAN kareh maliwus ikau bara kare musohm.

¹¹Are bangsa jari hapumpong handak manyarang ikau, o Yerusalem! Ewen hamauh, “Yerusalem patut imparusak! Ikau kareh mite lewu te jadi tuyok ramon huma je baderep.”

¹²Tapi kare bangsa te dia katawan en je metoh irencana awi TUHAN. Ewen dia kasene je ewen jari imumpong akan ihukum, sama kilau gandom inampong akan iimbit akan eka mihik.

¹³TUHAN hamauh, “O oloh Yerusalem, lius hunje kare musohm! Aku kareh manjadian ikau abas sama kilau sapi je hatandok sanaman tuntang hasilo tambaga. Ikau kareh mamparotek are bangsa, tuntang kare panatau ewen hasil rampasan kareh iluput keton indu parapah akang-Ku, TUHAN akan hapus langit tuntang petak.”

¹⁴O oloh Yerusalem, laku toto-toto uka TUHAN mandohop ikau! Itah metoh ingapong! Musoh kanjerae manyarang pamimpin oloh Israel!