Read Ngaju HABAKUK 3 Bible Online

HABAKUK 3 - Ngaju bible

HABAKUK 3

¹Jetoh lakudoan Nabi Habakuk:[7]

²O TUHAN aku mahining tahiu gawin Ayum, palus aku hagenjeh. Keleh gawi hai te inangkaluli Awim tuntang imparaha Awim intu angkatan ikei toh. Keleh ikei iasi Awim intu kalait Ayum.

³Ikau Hatalla je barasih haliai dumah bara Téman,[8] Ikau dumah bara bukit Paran. Langit ingontep kahain Aim; kalunen kontep tara Akam.

⁴Ikau dumah dengan sangkowong Ayum sama kilau kalawan matanandau, bara lengen Aim mamancar kalawa hai, intu hete kuasan Aim inyahokan Awim.

⁵Ikau manyoho panyakit mananjong intu hila baun Ayum tuntang pampatei omba intu hila likut Aim.

⁶Amon Ikau tende, petak hagerek; amon Ikau manampayah, kare bangsa geger. Kare bukit gantong je katatahie kiwak-kiwaka; kare lungkoh je katatahie mahin tanyenyeh, intu kare bukit te wei Ikau mananjong bara jaman horan.

⁷Gitangku rayat Kusan buah kikeh, tuntang oloh Midian hagenjeh.

⁸O TUHAN, en awi tasik ikau sangit? En kare sungei je mawi ikau balait? Ikau manongkang baun andau sama kilau kuda tuntang kareta parang, katika Ikau manenga akan ungkup Ayum kamanang.

⁹Panah Ayum jari inatap Awim, isin panah Ayum tatap uka ilekas.[9] Palus kalunen inyila Awim jadi kare sungei.

¹⁰Mite Ikau kare bukit gantong hongge bara langit mohon ujan sama kilau batusoh. Danum intu penda petak hagotok, riake balo-balon manampurak.

¹¹Kalawan kare panah Aim ngasiring balias, lunju Aim malinyau barangilat, palus tende matanandau tuntang bulan hong ekae.

¹²Sangi-sangit Ikau mangombang kalunen; kare bangsa inandik Awim marak kalasut atei.

¹³Ikau dumah uka maliwus ungkup Ayum tuntang mangat manyalamat raja paintih Aim. Ikau mampalongkang pamimpin oloh darhaka, Ikau mampalomat lepah kakare oloh ayue.[10]

¹⁴Kare panah Ayum lasak intu bitin kare pamimpin pasukan musoh katika tantarae dumah sama kilau kaabas riwut barat mangat ikei pisah-darai. Ewen tatawe hanjak sama kilau oloh je suni-suni manindas oloh je bara katapas.[11]

¹⁵Hapan kuda Aim Ikau manandik tasik tuntang tasik je baputi buree.

¹⁶Mahining te, usokku ruga-rugap tuntang biwihku hagenjeh. Aku balemo jaton kaabas, paingku tantarang,[12] hong kueh bewei aku mananjong. Aku kareh mentai dengan kasanai hukuman Hatalla akan kare asang.

¹⁷Aloh batang sikon jaton buae tuntang batang anggor jaton anggore, aloh wayah saitun dia manjadi tuntang hasil gandom intu tana mangapehe atei, aloh kare tabiri uras matei tuntang karambang meto jaton aton taloh huange.

¹⁸Aku kareh hanjak harajur, awi Ikau TUHAN, Hatalla, je manyalamat aku.

¹⁹ Ikau manenga akangku kaabas sama kilau pain bajang, paingku indehen Awim. Ikau mangagalan aku mangat sanang metoh mananjong intu kare bukit.