Read Ngaju SEPANYA 2 Bible Online

SEPANYA 2 - Ngaju bible

SEPANYA 2

¹O bangsa je dia kasene kahawen, keleh barendeng

²helo bara keton balayu tuntang keang kilau kambang![4] Keleh hobah helo bara andau kalait TUHAN dumah, tuntang keton buah kasangit TUHAN je hagandang te.

³Keleh haluli talih TUHAN, o kakare oloh je randah ateie intu lewu toh, tuntang kakare oloh je manumon kare parentah Ayue. Keleh lalus kahandak TUHAN, tuntang parandah arep keton intu taharep Ie. Eweh tawae ayau keton kareh liwus bara hukuman hong andau TUHAN mamparahan kalait Aie.

⁴ Intu kota Gasa dia aton oloh je kareh inyalamat. Askelon kareh benyem dia aton oloe. Oloh je melai Asdod kareh iharak nantekas awi asang handa-handau tuntang oloh lewu Ekron kareh inyoho haguet bara lewun ewen.

⁵Tarasapa keton, o oloh Palestina, bangsa je melai hapus saran tasik, TUHAN jari manukas hukum akan keton. Ie kareh mambinasa keton, jaton ije biti bara keton kareh liwus.

⁶Tanah keton hong tokep tasik jadi padang oru; kare pasah sakatik tuntang kare karambang meto kareh imangun intu hete.

⁷Oloh je melai Yuda je olih liwus, kareh marentah tanah keton te. Ewen kareh manyakatik meto intu tanah te, tuntang amon hamalem ewen kareh batiroh intu kare human oloh Askelon. Awi TUHAN, Hatallan ewen kareh mangalindong ewen tuntang manjadian ewen haluli belom tatau sanang.

⁸ TUHAN Je Jeton Tikas Kuasae hamauh, “Jari ihining-Ku kare bangsa Moab tuntang Amon manawah tuntang hababaka ungkup-Ku. Ewen mampajoho arepe uka marabut petak ungkup-Ku.

⁹ Tagal Aku je belom, Hatallan oloh Israel, Aku kareh mampalingis Moab tuntang Amon sama kilau Sodom tuntang Gomora. Kare lewu te kareh kontep dengan kare talekong uyah tuntang kare karak taloh je katatahie inumbo rowut bahu. Tisan ungkup-Ku je liwus kareh marampok oloh lewue, tuntang marabut petak ewen.”

¹⁰Tumon te oloh Moab tuntang Amon kareh ihukum awi kajoho tuntang kalecak ewen, tuntang kea awi ewen jari manawah ungkup ain TUHAN Je Jeton Tikas Kuasae.

¹¹TUHAN kareh mawi ewen jadi mikeh. Ie kareh mampalenyoh kare dewan kalunen. Palus kakare bangsa kareh manyembah TUHAN, hong lewun ayue kabuat.

¹² Kalote kea oloh Sudan kareh buah hukum matei awi TUHAN.

¹³ Limbah te TUHAN kareh mahapan kuasae akan mamparotek Asur. Niniwe, lewu hai te, kareh iawi TUHAN manjadi padang je keang tuntang benyem-tunis.

¹⁴Intu hete kawan meto tuntang uras macam meto balinek kareh menter tuntang malayan kahekae. Kare burong mangkong kareh manyarangan intu kare tunggul te tuntang mangkariak bara kare baunsengok. Burong kak kareh mahiau intu kare lambang bauntonggang. Kayu seder hong kare huma intu lewu te kareh lepah ingarak.

¹⁵Jete taloh je kareh manjadi mawi lewu je hanjak rantang te tuntang je mangkeme arepe sanang. Oloh lewu te manaha je lewun ewen te lewu je pangkahaie intu kalunen. Lalehan kabenyeme eka te, jaton oloh je melaie baya kare meto parak kayu je manyarangan intu hete! Genep bitin oloh je mahalau intu lewu te kareh tarewen tuntang mangkeme mangkarieng.