Read Ngaju SAKHARIA 10 Bible Online

SAKHARIA 10 - Ngaju bible

SAKHARIA 10

¹Amon wayah pandang jari manampara, laku ujan dengan TUHAN. Palus TUHAN mamumpong baun andau babilem, tuntang manusoh ujan labat sampai kare tana palus bahijau tuntang bajewong akan oloh samandiai.

² Kare oloh misek kare hampatong dewa tuntang kare panujum, tapi kare panombah je dinon ewen iete tanjaro tuntang kamburau bewei. Aton je manarang nupi, tapi taloh je inarange baya mampalayang keton. Tuntang ampong je inengae jaton bara rima. Awi te rayat pisah-darai kilau tabiri. Ewen asi-asi awi jaton je mamimpie.

³TUHAN hamauh, “Aku sangit toto dengan oloh panguasa je mamimpin ungkup-Ku, tuntang ewen kareh ihukum-Ku. Tapi oloh Yerusalem jete ayung-Ku, tuntang Aku, TUHAN Je Jaton Tikas Kuasae kareh mahaga ewen. Ewen kareh injadiang-Ku jadi kuda parang je abas akang-Ku.

⁴Bara marak ewen kareh iintih-Ku oloh je kuasa, oloh je tau mamimpin tuntang pangkalima je kareh marentah ungkup-Ku.” [12]

⁵Oloh Yuda kareh manang kilau oloh menteng je mampijak-manandik kare musoh sama kilau mampijak-manandik petak kisak intu karatak. Ewen kareh kalahi tagal Aku; TUHAN mandohop ewen tuntang tantara ain musoh je manongkang kuda kareh uras impakalah awi ewen.

⁶“Oloh Yuda kareh impaabas-Ku, ungkup Israel kareh inyalamat-Ku. Imbit-Ku ewen buli akan lewue, awi Aku sayang dengan ewen. Ewen kareh iawi-Ku sama kilau bangsa je dia puji ilihi-Ku. Aku TUHAN Hatallan ewen, uras lakudoae kareh ihining-Ku tinai.

⁷Ungkup Israel kareh sama kilau oloh menteng je abas, sama kilau oloh je mihop anggor, ewen kareh hanjak. Turonan ewen bara jaman akan jaman dia akan mangalapean kamanang toh je inenga-Ku. Ewen kareh hanjak rantang awi gawing-Ku dengan ewen.

⁸Ungkup-Ku kareh intehau-Ku tuntang imumpong-Ku jadi ije. Ewen iliwus tuntang impaare awi-Ku kilau bihin.

⁹Aloh Aku mawi ewen kasaburan akan bentok kare bangsa, ewen kareh tetep mingat aku intu kanih. Ewen kareh salamat, kalote kea kare anak ewen tuntang kareh haya-hayak buli haluli akan lewue.

¹⁰Bara Misir tuntang Asur ewen kareh iliang-Ku. Intu lewun ewen kabuat ewen kareh iandak awi-Ku. Imbit-Ku ewen akan Gilead tuntang Libanon kea, sampai hapus lewu kontep awi ewen.

¹¹Amon ewen dimpah tasik kasusah, Aku, TUHAN kareh mamukul kare galombang; palus palempang Sungei Nil jadi keang kamahau. bangsa Asur je bajoho kareh imparandah, tuntang Misir je abas kareh nihau kuasae.

¹²Aku kareh mampaabas ungkup-Ku, ewen kareh manumon tuntang manempo Aku. Aku, TUHAN, jari hakotak.”